Wednesday, 17 September 2014
Dia di Betico 2013, Dia di famia na Playa Print E-mail
Monday, 21 January 2013 16:47
DSC_2063

Bin explora, siňa y recrea hunto cu bo famia y amigonan na Playa riba Dia di Betico entre 10’or di mainta y 4’or di merdia! Museo Arqueologico, Museo Historico, UNOCA y Ateliers’ 89 ta habri nan porta pa publico disfruta.

Museo Arqueologico y Museo Historico ta habri nan salanan di exposicion entre 10’or di mainta pa 2’or di merdia. Museo Arqueologico na Schelpstraat 42, net patras di Kong Hing Supermarket na Havenstraat, a prolonga su exposicion di ‘Mi ta Bibo, Boc’i Brik’ pa publico haya e oportunidad pa bishita e exposicion asina interactivo aki. E exposicion temporario ta hopi accesibel pa famia y en especial pa mucha cu por haci diferente actividad recreativo y educativo den e salanan mes! Mas cu claro, cu riba nos dia di fiesta nacional, e salanan permanente tambe lo ta habri pa tur esnan cu ainda no a haya oportunidad, pa bishita y yena cu orguyo di nos herencia nacional cu akinan ta na despleyo na un nivel internacional.

Na Museo Historico na Fort Zoutman grandi y sigur chikito por disfruta di e exposicion 3-dimensional di e artista Rita Maasdamme. Den su exposicion, personahenan y eventonan historico ta ser visualisa door di popchi, cas y matanan, tur  traha na man. Na Museo Historico por disfruta di un dushi cuminda criyoyo, manera sopi di pampuna, pisca hasa y stoba, y lo tin boca dushi tambe. Banda di esaki, Museo Historico, specialmente pa e dia aki, pa 11’or di mainta, ta introduci 1 ora di les di baile tipico pa henter famia!

Ateliers ’89 na Dominicanessenstraat, ta habri diahuebs dia 24 caba, pa 8’or di anochi, cu e exposicion ‘in exile’ di e artista Rudyomar (Rudi)  Lijsner, un hoben rubiano studiando na e universtidad di arte na Cartagena Bogota. Dia di Betico, e exposicion aki lo ta habri pa publico entre 10’or di mainta pa 2 ‘or di merdia hunto cu e exposicionnan di e resultadonan di e workshop di ‘grafisch vormgeving’ duna pa  Sarai de Ham di Hulanda y di e videoworkshop di Hrund Atladottier, artista di Islandia y Victoria Medevjeva artista di Letvia. Asina Ateliers ’89 ta trece arte na Aruba riba un nivel internacional pa publico en general por disfruta di dje.

UNOCA na Stadionweg, ta invita henter comunidad pa explora nan exposicion actual cu arte inspirativo y contemporaneo di artistanan Anthony Beaujoun, Elisa Lejuez, Ryan Oduber y Roberto (Boedoem) Brown entre  12’or di mainta pa 4’or di merdia. Naturalmente tambe tin e oportunidad pa cumpra buki na Papiamento pa mucha, hoben y adulto, pues pa henter famia!

dowers dowers dowers
dowers dowers dowers
dowers dowers  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter