Wednesday, 23 July 2014
Tabelnan nobo di ‘reparatietoeslag’ y formulario di declaracion ‘Werknemersverklaring reparatietoeslag’ Print E-mail
Monday, 21 January 2013 16:32
DSC_2063
Entrante 1 di januari 2013 e ‘reparatietoeslag’ a wordo aumenta cu Afl. 25,- pa luna pa un salario bruto entre e salario minimo bruto (Afl. 1.604,60 na januari 2013) y Afl. 2.500,- pa luna. Ademas e salario minimo a wordo aumenta na Afl. 1.636,69 entrante 1 di februari 2013.


Pa esnan cu ta ricibi solamente pension di biehes y no ta ricibi otro entrada, e ‘reparatietoeslag’ a wordo aumenta di Afl. 50,- na Afl. 100,- pa luna. E cambionan aki ta trece cu ne e siguiente consecuencianan:  Tin dos tabel nobo di ‘reparatietoeslag’ disponibel: un pa luna di januari y un pa e lunanan di februari te cu december. Den e tabelnan aki por lesa cuanto ‘reparatietoeslag’ e empleado ta ricibi dependiendo di e salario. Por download e tabelnan via e website www.siad.aw.  Tin un formulario nobo di ‘Verklaring werknemer reparatietoeslag’. E formulario aki ta conta pa e empleado cu kier haci peticion di ‘reparatietoeslag’. Por download e formulario aki via nos website www.siad.aw. Tambe por busca e formulario na oficina principal di Departamento di Impuesto of na tur Oficinanan di Gobierno. Cua empleado por haya ‘reparatietoeslag’? E empleado cu ta desea di bin na remarca pa haya ‘reparatietoeslag’ mester cumpli cu tur e siguiente rekisitonan:
 E empleado ta ricibi un salario bruto entre Afl. 1.639,69 (na januari 2013 e suma aki ta
Afl. 1.604,60) y Afl. 2.500,- pa luna.
 E empleado ta traha den sector priva.
 E empleado ta traha un promedio di 20 ora of mas pa siman.
 E empleado ta inscribi na Oficina di Censo.
 E empleado no ta ricibi pension di biehes, pension di viudo (of viuda) of pension di huerfano.
Den e siguiente casonan tin derecho riba ‘reparatietoeslag’ tambe:  Cliente ta ricibi solamente pension di biehes, pension di viudo (of viuda) of pension di huerfano.  Cliente ta casa di un persona cu ta ricibi pension di biehes, pension di viudo (of viuda) of pension di huerfano y tin edad di 60 aña of mas.

 

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter