Thursday, 27 November 2014
Diaranson awor: Hopi expectativa pa e seminario di Yerba Curativo y Vegetarismo Print E-mail
Monday, 21 January 2013 15:53
Comparti
DSC_2063
Tur cos ta priminti di bira sumamente interesante diaranson awor ora cu den Cas di Cultura tuma luga e seminario di salud pa habri aña 2013. Awendia hende ta hopi interesa pa proteha nan salud y pa biba mas felis y mas largo.

Diaranson awor e seminario lo presenta dos figura principal como orador; e conocido yerbatero di Corsou Orlando Clemencia y e nutricionista Angelique Salsbach.

Organisado di e evento ta Vegeterian Delight cu ya den pasado a yega di organisa varios seminario exitoso cu e tema come vegetariano.

Tur participante lo ricbi nan handout, pero ta pidi pa toch trece pen cu papel pa asina tuma nota di informacion valioso cu lo ser comparti e anochi aki.

Tur participante tambe lo ricibi dos simia di e mata di Moringa pa planta di señor Clemencia y e lo splica bon, con ta uza e mata aki.

Carchinan ta obtenibel for di 8:00 am te cu 4:00 pm na Cas di Cultura y for di 4:00 – pm pa 7:00 pm na Vegeterian Delight na L.G. Smith Boulevard 26 y por yama na ECA na 583-4100 pa mas informacion.

E comunidad di Aruba ta wordo espera pa asina siña mas di nos matanan local, con pa uza esakinan y con pa alimenta mas sanamente. Pueblo ta wordo recorda pa pasa lo awe mas pa bo no keda afo. Carchi ta costa solamente Afl 20,00

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter