Sunday, 20 April 2014
Hobennan a hunga rol importante den campaña “I Love My Body” Print E-mail
Friday, 04 January 2013 21:55

LB hobenan

E organisacion di “I Love My Body” ta trata di haci un campaña mas atractivo posibel pa logra hala atenciondi hobennan, brindando nan diverticion pero na mesun momemto conscientisando nan riba e peligernan cu tin cu uzo di p.e. droga y alcohol, pero tambe kico sexualidad ta nifica.

Como cu e ta un campaña pa periodo di Carnaval, Evelyn Ras di Famia Planea a splica cu nan e aña aki no tin “Youth Parade”, a combersa cu TOB pa hinca algo atractivo durante e Parada di Blaas dia 13 di januari na San Nicolas. Ta bay tin un seccion di hobennan cu por participa, pagando 35 florin. Nan ta haya e t-shirt di “I Love My Body” , sombre, bandana, refesco y cos di come. E banda cu lo compaña e seccion aki ta e banda “Upgrade”. Por inscribo na Drop ‘N Nuts y na sede di Famia Planea. Ras a splica cu apesar cu e temporada ta uno cortico, nan ta ricibiendo hopi cooperacion di hoben y tambe di nan partnernan den e campaña. E ta kere cu apesar cu e periodo di carnaval ta uno cortico di seis siman, nan organisacion a prepara pa logra nan meta di yega na e hobennan cu e temanan ya menciona. “Mi ta hopi sigur cu e ta bay ta un temporada hopi exitoso pa nos un buiaha mas y pa nos yega mas cerca e hoben, mayornan y scolnan. ... Nos ta haciendo nos best pa yega na nan cu mas informacion corecto posibel,” Ras a splica. E vocero di e campaña “I Love My Body” a bisa cu nan tur ta boluntario di NGO-nan, cu ta draai a base di donacion. Nan ta traha henter aña pa recauda e fondonan necesario. Esaki ta e di tres aña cu nan ta moviendo, aunke e biaha aki tin menos fundacion participando. Por ehempel, e ta bisa, e venta di t-shirt ta un forma pa nan recauda fondo pa nan actividadnan di e campaña. “E no ta pa nos gana placa,” el a enfatisa. Ainda no a logra yega leu den e parti di e donacion, pero ta hayando masha hopi cooperacion di e hobennan mes cu ta pone cu nan ta sigui cu e campaña tur aña. Den e debatenan por ehempel ta bay intercambia di informacion, mustrando peliculanan cortico y scucha kico e hobennan mes ta pensa. Importante den henter e campaña aki tambe ta e envolvimento di mayornan, con pa atende di e miho forma cu e hobennan. Finalisando, el a bisa di ta contento cu pa di tres aña e campaña di “I Love My Body” ta riba pia. Pa e campaña preventivo, nan ta haci un apelacion na sponsornan. Nan tin hopi mas hoben cu ta yegando Famia Planea pa servicio, a base di tur e informacion cu a bin ta dunando na e grupo aki.

Comentarionan (5)Add Comment
The Observer
January 05, 2013
201.229.47.197
Votes: +2
...

Ta p'esey tin hopi homosexualismo/ lesbianismo, pa motibo cu den e tipo di relashon ey no tin risico pa sali na estado di un baby. Nada mas cu nan lo por sali na estado si di Aids cu lo por nace den nan sin cu nan sa... Es cu comete adulterio tin chance di haya Aids.... Bo kier desobedece Dios? Faya pa bo haya...anto no bin c*lpa Dios despues.

The Observer
January 05, 2013
201.229.46.59
Votes: +4
...

@Sosa, Acaso bo no ta sinti cu un ser humano cu ta practica relashon intimo liberal, como un perdemento di balor como hende? Bo no ta haya cu ta proyecta falta di principio pa medio di tal comportashon? Un hende asina facilmente lo participa den corupshon di cualkier tipo. Logico toch? Ta p'esey carnaval awe'n dia por wordo mirá como un movimiento pa haci pueblo c******o. Ta nada straño pa nos tuma nota con nos Aruba ta rumbo pa santana... c*ltura di Aruba ta tumando forma di bari di sushi... Tristo pero berdad...

sexcarnival
January 05, 2013
201.229.67.170
Votes: +2
...

30.000 condon a wordo reparti durante Carnaval di anja pasa! No ta wega! T'asina hopi sex ta wordo haci durante Carnaval? Na unda? Ningun hende ta wak of sospecha? Come on! Storm in een glas water! smilies/wink.gifsmilies/angry.gif

Sosa
January 05, 2013
201.229.45.118
Votes: +0
...

Si nan ke hasi sex sey ta nan problema, either way, si ta carnaval of no, tog e lo pasa, stimula nan miho pa NO hasi sex ku ken ku ta, y hacie ku un guy/chik of un hende nan tin un relashon kune, stimula nan pa usa condoom, sex is good, sex is healthy, no pone otro sinti malo paso abon por hanja hende pa dunabo sex! smilies/grin.gif

Zombie
January 04, 2013
201.229.67.170
Votes: +8
...

"I love my body" ta netamente stimula/invita e hubentud pa haci sex, locual te hasta por wordo considera como sex liber. Den hopi caso lo resulta den first time sex. Lo tabata mihor si a stimula e hubentud keda mas serca di su mayornan of vice-versa durante e actividadnan di Carnaval. Of mihor ainda: No mester haci sex durante Carnaval! Pakiko mester haci sex durante Carnaval??? smilies/angry.gif

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter