Thursday, 24 July 2014
Campaña “I Love My Body” a cuminsa Print E-mail
Friday, 04 January 2013 21:56

LB cuminsa

Famia Planea tin algun luna caba trahando riba nan campaña special pa temporada di Carnaval cu tin e slogan “I Love My Body”. Como cu e periodo di carnaval ta uno cortico, segun Evelyn Ras di e organisacion, nan a cuminsa cu e preparacionnan basta adelanta pa asina cu aña bolter tur cos ta cla pa lansa esaki.

Den e campaña cu a hinca den otro ta bay enfoca hopi riba e scolnan, caminda ta hiba informacion pa e hobennan. For di luna di November a informa tur scol riba e tayernan cu ta bay tin bou di e slogan di “I Love my Body”. A hacie di e manera aki pa e scolnan programa cual ta e miho momento pa nan alumnonan participa den e tayernan importante aki. Ras a splica cu e reaccion cu nan a haya tabata hopi positivo y por bisa cu practicamente e schedule di luna di januari ta yen. Loke Famia Planea ta haci awor, ta tuma contacto cu e scolnan cu no a inscribi ainda, pa mira si nan kier participa y avisa nan cual ta e fechanan cu ta habri ainda. Tambe tin prepara pa final di e temporada di carnaval un debate nacional bou coordinacion di Parlamento Hubenil hunto cu SIPA (Conseho di Studiantenan di IPA). E tema di debate bou di scolnan di secundario ta riba topiconan di sexualidad, droga y alcohol durante e periodo di carnaval. Den e debate aki ta coopera tambe FADA, Wit Gele Kruis, Famia Planea y UNAIDS Aruba. Algo nobo den e campaña ta un programa di television cu ta bay cuminsa aki dos siman y cu lo yama “I Love My Body on the Spot”. Ta un programa cu ta wordo presenta door di un miembro hoben di Parlamento Hubenil, specialmente dirigi riba hoben. E idea tras di e programa aki ta pa habri e combersacion na cas entre hoben y mayornan riba tema di sexualidad, droga y alcohol durante carnaval y kico por pasa door di consumo di esakinan. E tayer ta basa riba un evaluacion cu nan a haci di e dos ultimo añanan cu a tene y a adapta esakinan un poco. Pues e participantenan no mester bay spera un charla, pero un workshop cu un debate nacional, hunto cu un serie di tres programa informativo y educativo na television. Ya caba for di aña pasa e grupo a lansa nan acostumbrado jingle, cu tabata un produccion di Jonathan Thiel y canta pa Priscella y Randall. E Grupo di “I Love My Body” ta masha contento cu a cooperacion cu nan a ricibi for di prensa, entre otro pa transmision di e jingle for di luna di december caba na tur radio-emisora. Den e dianan aki tambe por mira na e canalnan di television un propaganda den sentido di e campaña cu nan tin pa e periodo aki. Ras a manda palabra di elogio pa e hoben Jean Mark Gomes di 19 aña, un hoben sumamente talentoso, kende a diseña e logo. Un biaha mas lo tin e famoso t-shirtnan cu den 2013 ta wordo presenta den diferente color y den tur size. Evelyn Ras ta masha contento tambe pasobra ta hopi hoben a coopera den e campaña aki cu ta dirigi riba e hubentud di Aruba.

Comentarionan (3)Add Comment
dora
January 06, 2013
80.56.152.211
Votes: +0
...

Atrobe ILMB pero cifras nan no ta mustra un reduccion di embarazo ni malesa di caya. Awo kier bin cu tv show. Porta e directora ta haya falta di su trabao na Tele Aruba.Ta bira tempo pa evalua e campanja ki y bin cu algo otro paso parce nan ta love nan body dimas pesey e cosnan aki ta keda pasa.Sex ta tur caminda no den carnaval so.Fundacion lanta foi sonjo no den luna di januari februari so anto drumi resto di anja.Exito.

versman
January 05, 2013
201.229.37.219
Votes: -2
...

Ami ta haye un campañ excelentrm por lo menos tin hende ta alerta y atento pa e problema grandi y cronico den nos comunidad. Sra Ras, for di un mayor, mi kier a bisa bo danki pa tur e trabounan. E triunfonan por ta chikito pero vale la pena.

~
January 05, 2013
68.171.231.83
Votes: +3
...

Boso ta net un pida..
Unico cos ma wak e campanja kens ki hasi ta duna mucha chikito condom pa loko
Laga hende mis-use e slogan
Oversexualify tur cos,
so good job smilies/wink.gif

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter