Wednesday, 01 October 2014
Minister Oduber: Embeyecimento di Paradera Corridor ta cla pa cuminsa Print E-mail
Friday, 04 January 2013 21:22

front-map004

Paradera ta un di e barionan cu ta bay wordo embeyece e aña’ki. Ya caba den luna di December Ministerio di Infrastructura, bou di Minister Benny Sevinger, a tene un destaho publico pa e embeyecimento di Paradera Corridor. “Pa nos ta sumamente importante e embeyecimento cu ta tumando luga den bario di Paradera mirando cu tin diferente atraccion turistico den e area.

Ademas di e nivel di calidad cu nos kier aumenta di producto Aruba, ta haci cu e lo bira un programa piloto pa e area aki.,” Minister di Turismo Otmar Oduber a duna di conoce. El a splica cu e proyecto cu a bay destaho publico caba, ta wordo reparti den tres fase di cual e prome fase ta bay cuminsa wordo ehecuta den luna di januari door di e compania Big (Thiel Corp.) y e trabounan mester finalisa den shete luna. E ta e area di Paradera cu ta bay pa e diferente atraccionnan turistico. Inicialmente a calcula cu e proyecto den su totalidad lo bay costa 2.5 miyon florin, pero despues di destaho publico a conclui cu mas bien esaki ta yega cerca di 4 miyon florin. Minister Sevinger den consulta cune lo bay mira con por yega na cubri e diferencia via di e Fondo pa Mehoracion di Producto Aruba y percura di e manera aki cu e tres fasenan di e proyecto por inicia conhuntamente y caba den 2013. Un di e atraccionnan turistico mas bishita ta Arikok, casi 95% di tur e tournan ta bishita Arikok y Ayo Rock Formation, y Paradera ta e via pa yega na e diferente atraccionnan aki. Pesey Gobierno a haya importante e mehoracion di calidad di infrastructura. E ader principal di e via aki ta wordo mehora, pero intencion tambe ta pa mehora e sub-adernan. Banda esaki, Minister Oduber a splica, a combersa cu Universidad di Aruba riba un estudio di tur atraccion turistico na Aruba. Tin fondo disponibel pa pone borchi di indicacion, cu e logo di Aruba, cu ta guia e turista na tur atraccion riba e isla. E borchinan lo tin color bruin cu un logo di Aruba riba dje. Tur e borchinan aki lo wordo hinca den un aplicacion special, cu ta wordo traha door di ATA, y ora cu e turista yega, e ta simplemente download esaki na aeropuerto y guia nan mes via nan smartphone pa yega na tur e atraccionnan. E motibo pa haci esaki, segun Minister Oduber, ta pa concentra no solamente riba e cantidad di turistanan pero tambe kier pa e calidad aumenta. Atrabes di tipo di tecnologia asina ta laga e turista yega mas rapido na e atraccionnan. Ta trahando riba infrastructuranan cu ta “user friendly”. Meta principal di e TPF ta pa mehoracion di producto Aruba, banda di e inversion den infrastructura, un parti grandi ta bay den programanan di conscientisacion y educacion, manera e programa di certificacion; Mi Compromiso cu ta percura pa eleva calidad di servicio di nos hendenan. Y un parti ta bay wordo inverti den siguridad. E mandatario a referi na algun incidente aña pasa cu sigur no kier pa sosode mas. E TPF lo pone placa pa percura pa siguridad di bishitantenan, manera proyecto di camera, ekiponan pa Cuerpo Policial, etc.

gallery1 gallery1 gallery1
gallery1 gallery1  

Comentarionan (13)Add Comment
rod
January 06, 2013
201.229.41.243
Votes: +1
...

E renovacion di Aruba mester yega
na tur distrito, na tur bario y na tur
skina di Aruba. Pero tambe mester yega na
tur ciudadano y na tur famia. Pa bien Aruba.
Den e siguiente eleccion Save Aruba from Mep!!

versman
January 05, 2013
201.229.37.219
Votes: -1
...

Ayayay envidia ta briya aki den. 8 aña un haci nada y awo no kier pa niun otro haci algo... ma caramba! Envidia ta mata.

TEAM TICO 2013
January 05, 2013
201.229.79.31
Votes: +3
...

Esaki ta e labamento di plaka di FDNSN, unda varios commerciantenan ta complise y tambe un tal Aruba Bunita lo hanja e contract di PLantsoen?? ra ra ra

15!!!!
January 05, 2013
201.229.72.91
Votes: -3
...

Gobierno sigi cu e bon trabow cu boso ta hasiendo, e gobierno anterior a hasi net net nada y awo su hendenan ke critica e goberno aki cu si ta traha....No worry nos sa cu esaki no ta un campania politico pasobra nos no mester campania, e 15 tey caba y punto.....

mester
January 05, 2013
201.229.2.84
Votes: +3
...

Nos Arubiano nan ta ciego pio cu Jose Feliciano e Gobierno aki a sinta na mesa cu contratista pa purba di drecha e mahos bista cu Caya grandi tin pa luna di December e ta un bon idea pero ora cu e contratista hana green licht pa cuminsa nan tin cu bai kita tur cos bek ohala pero ohala cu papa Dios ta corda riba e pida baranca aki pasobra si mester bin un awacero di por lo menos 4 ora caya ta dempel Rubiano nan habri boso wowo

mester
January 05, 2013
201.229.2.84
Votes: +2
...

No papia duro si mi wak Paradera por warda riba e proyecto aki pero door cu casi full paradera ta MEP,AVP kier cana e pueblo cu e proyecto aki,Awo Sanicolaas bai drecha algo pa sanicolaas cu ta casi cai den otro AVP a core campana den Sanicolaas primintiendo nan tur cos ata mino a wak nada kico bon Sanicolaas a hana campana suchi a cuminsa.

pitofina
January 05, 2013
201.229.46.40
Votes: +7
...

Cu ni cu Linaerpark nan un por keda cla.. 3 Anjay bai wak pa bo mes... Un desastre completo.. Tur mal traha... Caya grandi mester bai saca of kia tur cos bek?, paso sii ta asina un desastre tambe..

J Feliciana
January 05, 2013
201.229.18.105
Votes: +5
...

Pls...Gobernante nan MIN PRESS nos di BARIO DI PAPAJA PARADERA boso a bin cana den nos bario laga basha santo i priminte nos bario cu nos ta hanja caminda di asfalt prome cu fin di anja 2012 ,pero nada tur habitante nan auto ta danja di tanto buraco nan grandi cu tin riba e caminda i auto awendia a bira hopi caro..un suplica pa nos bario di PAPAJA PARADERA.

wak den spiel
January 05, 2013
89.98.58.147
Votes: +5
...

Si drecha banda di Bright Bakery, mester baha bin abow te e retonde cu ta existi caba na Paradera, unda tin Botica, winkels y e banco. Mester drecha full e caminda ey(corridor). Tambe e caminda pa bai e Rock Formations. Y e caminda di paradera pa bai Jaburibari. Unda tin mas kos di mira, un otro park mas, Misa di Paradera, Santana y e parke di Jaburibari. Lo ta bon pa tur e hoben nan por cana y fiets safe bandi caminda. Cana bai veld, gym, misa of Club Caiquetio pa actividad nan.

arubiano di pura sepa
January 05, 2013
201.229.126.186
Votes: +6
...

anto na piedra plat tin un caminda cu ta cuminsa di weng kee bai noord pa seroe pita cu nunca un keda klaar , paso di e brug pabouw di veld di flatstone bai te e crusada di seroe pita parce cu asfalt a caba , paso e caminda ei ta tur gelapi i ta na werki , dios so sa ki anja nan lo caba cune , bin cana pidi voto den piedra plat pariba ,casi sigur boso lo hanja no 1000 pero 10.000

The Baron
January 05, 2013
201.229.19.50
Votes: +2
...

Election ta den porta,awor ta ora pa corda ariba "Paradera".Awor ta ora pa bay benta "Pinda" pa e hendenan di Campo,mester a juda mi Familia di Playa prome.smilies/wink.gifsmilies/angry.gif

Anastacio Koolman
January 05, 2013
201.229.78.48
Votes: +6
...

Esaki berdaderamente ta e gobierno di MAS burha cu a existi na Aruba. Nan tur ta mete den cartera di otro. Kiko turismo tin di haci cu corridor di Paradera? Bruha bruha senjores!

politiek
January 04, 2013
190.2.160.238
Votes: +8
...

e coridor aki ta nada menos cu: PAYING IT FORWARD CU PLAKA DI PUEBLO PA HAYA CONTRIBUTION PA ELECCION CU TA NA CAMINDA. y aregla pa nada menos cu OTMAR ODUBER himself!!! wak supermarket y gasoline station aparece un poco pabow di BRIGHT BAKERY!!! e proyecto aki no twt den plan mes...pero grawata mi lomba awor pa mi por grawata bo lomba cu sponsor pa election cu ta binidero!!!! OTMAR OTMAR OTMAR!!! e biaha aki no tin hungua cu wowo suficiente grandi pa bo por pasa aden!!

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter