Tuesday, 21 October 2014
Rubin Ponson: Controlnan riba benta di klapchi mester sigui fin di aña Print E-mail
Friday, 04 January 2013 21:17

rubin clapshi

Den combersacion cu Rubin Ponson di e comision encarga cu e control, el a splica cu representantenan di diferente departamento a coopera pa realisa e controlnan aki. Loke cu nan a conclui na final ta cu apesar cu cos a bay bastante bon, e tipo di controlnan aki mester sigui.

E motibo ta cu de bes en cuando ta topa cu algun negoshi cu kier purba haci cosnan cu ta fuera di regla cu a causa cu algun establecimento a wordo cera den e periodo ey. Tambe e comision a haya nan mes ta cera algun luga pa drecha pa cumpli cu e condicionnan y despues nan por a habri pa benta bek. Loke cu nan a constata durante e controlnan ta cu ta sigui bende klapchi cu mucha bou di 12 aña, ta pone demasiado mercancia di klapchi den e area di benta, mientras cu e area di warda klapchi ainda no ta cumpli cu tur e reglanan. Tur esaki ta haci cu continuamente mester vigila e negoshinan aki. Tabatin negoshi cu no a cumpli cu condicionnan menor pa cual nan a wordo permiti pa regla e asunto y nan por a habri bek. Sinembargo tabatin tres establecimento cu a wordo cera y a kita nan permiso. Esaki pa motibo di tabatin un cargamento grandi di klapchi bieu, a topa cu un grupo grandi di mucha di entre 8 y 9 aña ta cumpra klapchi, etc. Ponson a splica cu den caso di materialnan di un aña anterior, semper ta controla si nan ta den condicion pa wordo bendi y si ainda nan ta cumpli cu reglanan. Den e caso di e klapchinan bieu, e comision no a haya chens pa controla, na diferente ocasion a pidi doño di e container pa habri esaki, pero no a wordo haci. Tin biaha ta trata di klapchi cu no a sali for di Wela, sino for di un otro caminda y ta wordo hiba na e punto di benta. Den e caso di klapchi bieu, e comerciante a traha sticker pa pone riba e material uzando aña 2012, pero ora cu a kita e sticker a haya esun original cu ta data di 2008 – 2009. Tabata toch un cargamento regular pa e punto di benta. E material a wordo confisca, mientras cu e punto di benta ey a wordo cera. Como cu e comerciante tabatin dos permiso, e por a bay bende su material nobo na e otro punto di benta.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter