| Salario minimo ta aumenta dia prome di februari 2013 |
 |
 |
| Friday, 04 January 2013 21:13 |
|
Minister Oduber a splica cu na mesun momento a cuminsa cu un proceso, pidiendo conseho na Raad van Advies, pa cambia e formula cu ta wordo uza den calculacion di loke normalmente ta bira e aumento den salario minimo. Aworaki ta uza e indice di prijs di Banco Central di p.e. augustus, 2012, cu ta wordo compara cu esun di augustus 2011 pa mira si mester bini un aumento den e salario minimo di 2013. E ta splica cu si durante aña tabatin hopi variacion den e indice di prijs den e lunanan y net den e luna di augustus tin un caida, manera cu a sosode awo, e lo nifica cu toch lo no tin aumento den salario minimo, si sigui e reglanan prescribi. Mirando e situacion aki, Gobierno a manda pidi SER un conseho cu a keda cla den luna di December ultimo. Basa riba esaki kier cambia e Landsverordening di tal forma cu ta bay tuma e averahe di e 12 lunanan, di augustus pa augustus. Pues ta evita “moment opname”. Gobierno di tur manera, apesar cu e cifra di augustus a mira un caida den e indice di prijs, por a aproba un aumento di salario minimo basa riba otro reglanan di Ley di Salario Minimo. Articulo 13, inciso 3 ta duna Gobierno e oportunidad pa pidi un conseho di SER, basa riba motibonan special, pa adapta e salario minimo pa e aña siguiente toch. Minister Oduber a splica cu e indice di prijs a aumenta cu 6.8 porciento den 2011, y a haya esaki un cifra mucho halto pa aumenta salario minimo den 2012. A dicidi e tempo ey den consulta cu SER, pa aumenta e salario minimo cu 4% y duna e oportunidad, basa riba e crecemento cu Banco Central ta pronostica pa 2013 y inversionnan grandi cu ta bay wordo haci, Gobierno ta haya cu clase trahado di menos entrada no por keda atras den e aumento cu ta bay premira pa loke ta economia di Aruba. Basa riba tur e consehonan, Gobierno a tuma e decision cu entrante prome di februari, 2013, lo aumenta salario minimo cu 2 porciento, y lo subi cu mas o menos 32 florin pa luna. Pa e aumento aki no mester bay Parlamento, ya cu e ta wordo regla via di Landsbesluit HAM, cu ta haci cu por medio di e decision di Conseho di Minister di December ultimo ta instrui departamento huridico prepara e Landsbesluit HAM aki. Ta prefera cu e por a wordo introduci na januari, pero kier pa tur cos ta regla legalmente. E formula nobo pa midi e indice di prijs basa riba e averahe di 12 luna si mester bay Parlamento pa aprobacion. Pa loke ta leynan laboral tambe tin leynan cu a wordo cambia. Ya caba tin dos ley laboral cu pasa Parlamento den luna di december. Segun promesa haci na Parlamento, Minister di Labor kier pa e leynan aki drenta na vigor pa dia prome di februari awor, hunto cu e otro tresnan cu a keda aproba. Tin un ley ainda cu mester wordo aproba den Parlamento, cu ta e principal ley cu ta bay controla cu e leynan cu a wordo cambia di berdad ta wordo ehecuta tambe, door di tur partidonan. Si esakinan no wordo ehecuta, contrario na antes, lo tin sancionnan severo pa e doñonan di trabou cu no cumpli cu e leynan laboral. Na februari awor tambe lo trata algun cambio cu lo bini den BW cu tin cierto repercucion pa e leynan cu a caba di pasa Parlamento december, a tuma decision cu entrante prome di februari lo publica tur e cinco leynan y alabes introduci nan simultaneamente. Comentarionan (16)Mustra/Kita comentarionan ...
spera poco milliones bai pa yuda duna bida na nos aruba di pariba ,nan ta mas mester ayudo awor aki despues cu nos a purba pero nos no a logro mantene valero habri ,ta mihor yuda pariba y wanta pabou paso tin basta cos pa drecha ainda prome pensa caba den un bon y calidad projecto pa nos no laga un sabor amargo atrobe manera na 2001 paso e ora si nos lo no bolbe nunca mas ...
,
January 04, 2013
...
awor casi sigur nan ta bai core bisa cu nan ta bai drecha sanicolaas , pero e fly ei nota subi mas .
,
January 05, 2013
...
DANKI MINISTER....Y CON TA PARA CU NOS PENSIONADONAN ....NAN TAMBE LO CONOCE UN AUMENTO???
WAAK CUANTO PENSIONADO SOLTERO TA PASA MISERIA CU UN PENSION CU NO TA JEGA PA NADA. MI TA SPERA CU NOS GOBIERNO AKI LO AUMENTA ESAKI TAMBE
,
January 05, 2013
...
MInister, i con ta bai para cu e donjonan di trabow cu tur luna ta paga salario 1 luna atrasa i cu semper tin excuus!!! Nunca ta balorA NI APRECIA SU TRAHADORNAN. No ta tene su mes na e reglanan di Directie arbeid!!
,
January 05, 2013
...
Bai caba cu e desaster di Liniarpark... 3 anja y e no ta cla un tin hende trahando.. Pero bo amigo Venezolano si a strika miyones pa pone poco bek den bo campania?? Un desastre e Liniarpark ey ta.. Pero hopi placa y unda e ta Ottymary?? Riba mesun cuenta di radisson of di fondo desaroyo San Nicolaas??
,
January 05, 2013
...
y con ta para pa e hendenan cu ta traha uurloon pa mas di 3 anja den sector publico y cu te ainda ni nan contract no ta cla semper tin cualker escuse pa e contractnan _ nan no tin nada ni vakantie ni atv nan ta riba NO WORK NO PAY ni bashi premi ni nada di premi nan tambe ta bay hanja un aumento di salario sikiera????
,
January 05, 2013
...
MI ta haña pret cu nan salario ta subi segunmi cada aña!! Esanan cu a bvusca nan estudio mes ta keda para na un salaris y cu un debe atronomico erbij! Tristo pero loke esaki ta bisami ta cu mi lo conseha mi yiunan pa no worry pa bai scol, toch cada aña bo salaris minimo lo subi. Si nan placa nos ta jega, laganan bai busca un estudio pa nan ta miho para y siñanan usa placa consientemente!! No mane cu salaris jega ban cabe y cumpra cos na granel. E cos ki si ta pone hende rabia!
,
January 05, 2013
...
WEL WEL, tur parti di mundu ta bezuinig, tin crisis. Menos Aruba, wel shonan wanta ora e PALO bin abau. Sink ARUBA ta sink. Ta mas wit wassen di plaka lo bira.Mas Chinees, Mas Colombiano, Mas Venzolano, jamanan pa bin laba plaka.Bai ta hasi pueblo burico
 
,
January 05, 2013
...
ki dia ta stop cu esaki? unpais educashon ta un pais pober Gobierno su derecho ta edua e pueblo NO maniobra y hisa entrada sin traha pe. Hopi artic*lonan den chines of wel supermercado tambe ta y a subi . Un djies no bay skol , bay cobra onderstand . No tin plaka pa cubri gastonan den servicio social, Djies keda malkria paso esun cu ta bay cobra lo sapatia pa mas y mas. Minister ta di un da e placanan aki ta bin? E salario di tur trahado na aruba mester wordo agusta. Campanja politico. Carnaval arnaval ay ki dushi ta carnaval
,
January 05, 2013
...
coi loko laga e salario subi!esun nan cu ta studia pafo keda traha e nan paga bo astronomico debe di estudio i djei bin biba lekker na aruba.zoiezo bo tin diploma.anke di e trabou bn sa nada!aruba one happy islands
,
January 05, 2013
...
Tende ki trahadornan no bin cu flohedad si no bo ta afo, si mi tin 5 trahado awor nan t bira 4 i wak pa e 4 nan traha
,
January 05, 2013
...
Y ki dia e pensioen ta subi? Hendenan cu a dedica nan anjasnan pa e pais aki tin cu biba cu un miserabel pensioen cu no ta jega pa nada.
Djies wak e cordinadornan rond di e ministernan cu ta gana salario barbaro sin cu nan tin estudio alguno,entre otro e defensor di San Nicolaas Pink for life.
,
January 05, 2013
Duna Comentario y/of Comparti riba Social Medi |
Mustra/Kita e formulario di comentario
