Friday, 31 October 2014
Accion di tira kerstboom den forma cordina entre Serlimar, Mourik y Johnson’s Enterprises Print E-mail
Friday, 04 January 2013 12:54
DSC_2063
Na Serlimar tabata tin un conferencia di prensa caminda Mourik Caribbean, Johnsons Enteprises y Serlimar a join. Esaki ta un proyecto cu lo cuminsa un dia despues di tres rey. E proyecto aki ta importante y tin di haber cu un necesidad cu tin.

Ta un manera facil pa facilita e comunidad di Aruba pa deshaci di nan kerstboom. Hopi hende tin kerstboom y pesey ta importante pa tene cuenta cu e medio ambiente. A bin cu un strategia entre e tres companianan. Lo pone container den tur barrio cu ta destina exclusivamente pa kerstboom. E recogemento lo ta durante siman di dialuna pa diabierna. Dia 7 di January pa 17 di January e campanja aki lo ta on. Tur distrito lo bini na turno. Dia 7 di January lo tey na San Nicolas dilanti Lucky Store, Despues 8 January na Noord pega cu Veld di Jong Aruba patras di Sta Ana School, dia 9 lo tey na Paradera pega cu Aruba Bank, dia 10 di January na Pos Chikito banda di veld di Universal,11 di January na Playa pega cu centro di Barrio Playa Pabao, dia 14 di January lo tan a Santa Cruz na Centro Deportivo Betico Croes, dia 15 di January nan lo ta na Centro di Barrio Dakota, dia 16 lo ta na veld di RCA y dia 17 di January lo tan a Centro di Barrio Brazil. E bakinan lo ta poni pa tira kerstboom entre 8or di mainta pa 2or di merdia. E dos simannan lo ta activo.

A mustra Nathaly Wolff cu hopi hende no por benta nan kerstboom unda e bakinan lo ta pone den barrionan. Serlimar ora pasa piki sushinan domestico hiba e kerstboomnan poni? Esnan cu kier pa Serlimar pasa recoge nan kerstboom na cas Serlimar lo cobra 10 florin plus BBO. Johnathan Tromp di Johnsons Enterprices durante e conferencia di prensa relaciona cu accion riba kerstboom a splica cu e proyecto ta basa riba recogemento di kerstboom pero tambe e forma cu nan ta deshaci di dje. Nan tin dos incinerator unda ta kimando basta palo riba Dump. Awor cu e proyecto contribuyendo cu medio ambiente nan lo kima e kerstboomnan aki tambe. Ta un sistema hopi simpel pero contribuyendo na e medio ambiente y reglamenario du desperdicio. Esaki ta prome biaha cu nan ta hacie pero nan ta satisfecho cu por contribui na cuido di nos medio ambiente.  E lugarnan menciona ta unda pueblo por usa pa tura e kerstboom y evita cu esaki ta bai termina na lugarnan illegal. Pa mas informacion por subi e website di Serlimar cu ta serlimar.org.

 

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter