Thursday, 18 September 2014
Douane riba su mesun pia ta un realidad Print E-mail
Friday, 04 January 2013 12:46
DSC_2063
Aña 2013 a habri y si tur cos bon e los koppeling di douane for di SIAD mester a tuma lugar. Den un entrevista cu minister di finanzas Mike de Meza a puntra con e proceso a bai? E mandatario a splica cu e instellingsbesluit di e departamento di impuesto y douane a pasa y e los koppeling ta den su proceso.

E besluit di SIAD a wordo ingetrokken y awor e departamento di impuesto y esun di douane ta riba nan mes. Un proceso asina na Curacao a dura como 10 aña. E ta tuma su tempo segun e mandatario. Minister Mike de Meza a splica cu nan ta sigur cu na Aruba e lo bai hopi mas liher. Tin un compania di Ernst & Young cu a gana un destaho pa e proceso y na Douane tabata Deloitte cu a gana e destaho pa e inrichting. Tin diferente cambio cu mester tuma lugar riba nivel di personal pa loke ta nan pocision huridico. Esey no nifica cu lo kita trahador of trahadornan lo bai atras. Tin algun  persona cu tabata den directiva den dienst di douane y tambe impuesto cu mester haya nan lugar. E hendenan aki a wordo scucha caba. Pa hopi anja esaki tabata un deseo grandi pa douaneronan para riba nan mes.

Douaneronan ta sinti cu nan no tabata wordo trata igual of den e mihor forma cu mester. A base di nan mesun presupuesto y para riba nan pia nan lo ta mihor bezig. Tabata tin tambe e cambionan di Asycuda cu a bai over pa SAP y e cambio aki a trece hopi problema pa e servicio di douane. Awor gobierno lo bai bek na e software di inklaring special pa douane cu ta Asycuda. Esaki ta Asycuda World cu ta esun  mas moderno y lo implementa esaki completo e anja aki. Douane ta den procesonan di cambio grandi. Loke ta pasando ta bon pa ambos departamento y pa e clientenan di ambos departamento pa nan bira mas eficiente.

 

Comentarionan (4)Add Comment
johantromp
January 06, 2013
201.229.16.139
Votes: +0
...

Ta hopi suerte trahadonan di Douane tin, cu a bin un cambio di gobieno.Pasobra e gobierno anterior kier a kita cuerpo di Aduana completo i laga portanan habri mescos cu na Sint Maarten. E ora lo a keda hende sin trabou. Awo kiko "the observer" ta prefera un cuerpo di Douane arriba su mes of mama i tatanan sin trabou. I question di NV ata SETAR, WEB, ELMAR, AEROPUERTO, tur ta bai bon tog awo ta qua ta bo d**or? Pabien Minister De Meza sigui cu e bon trabou, bo a priminti i bo a cumpli pabien.

The Observer
January 05, 2013
201.229.46.59
Votes: +2
...

"Douane riba su mesun pia"? Ta spera cu Douane nunca lo bira NV y ni belasting dienst. Ta basta cu privatisashon. E departamentonan di gobierno cu ta bira NV casi sigur un dia lo wordo kitá for di pueblo pa bende/duna comerciantenan grandi. Anto pueblo lo mester bai paga mas belasting cada biaha y tarifanan mas halto pa awa – coriente – telefon- etc, creado un situashon similar na esclavitud. Ta esey Betico Croes lo tawata contra? Nos mester bay haya sa ta kendenan a funda Universidad di Aruba, paso por mira awor e connecshon entre Universidad di Aruba y e cosnan aki cu ta pasando....Nada lo keda secreto...nada nada nada...

Broker
January 04, 2013
201.229.81.89
Votes: +3
...

For di ajara kaba e systema di Douane ta down,mi ta supone cu SIAD lo a ranka e plug pariba anto no a plug e bek,tristo,e servicio a djies dal para,dus documentonan cu mester a wordu procesa a keda stagna,esei ta e progreso??????Unda e manejo ta???? tin manejo of no????????
dus atrobe e komerciante mester sinta warda ariba papel cu konsequencia di saka carga laat,paga demmurage etc etc.
Shon nan,asta cuando????????????????

save your nonsense
January 04, 2013
201.229.19.156
Votes: +7
...

Laga nos spera cu tur cos bai bon pa e no bira manera nos postkantoor...slow,sin verf,slordig...ect....

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter