Wednesday, 22 October 2014
Guilfred Besaril ta entrega su puesto como presidente di SPA Print E-mail
Thursday, 03 January 2013 21:47

Besaril003

Pa hopi tempo caba por a sinti cu Guilfred Besaril tabata bayendo den un direccion pa bira politico. Su forma di expresa tabata confirma varios cos. Asina mes te awe el a desmenti tur biaha cu a puntre si e ta aspira pa bira politico.

Sinembargo anja a bolter y un email interno a sorpresa tur hende. E Guilfred Besaril cu tur hende conoce luchando pa su miembronan ta bati retirada for di su puesto di presidente di sindicato. E retiro repentino aki no ta parce di ta pasobra e tin problema den sindicato su directiva. E mes no a confirma ningun entrada den cualkier partido politico. Asina mes tin partidonan politico cu a acerca Guilfred Besaril. Un di esnan cu sigur tabata ser menciona tabata partido MEP. Dos anja pasa Guilfred Besaril a nenga retundamente su entrada den MEP. Mientrastanto e anja di eleccion a drenta y prome dia di trabao a drenta via email e anuncio cu Guilfred Besaril ta entrega su puesto entrante 31 di January 2013 como e lider sindical. Ya caba entre cierto miembro di cuerpo policial ta ser papia cu Guilfred Besaril ta drentando arena politico y cu probablemente e lo subi e lista di Andin Bikker. A busca Andin Bikker diahuebs anochi pero e no a coy telefon. A yama Guilfred Besaril mes pero e celular ta paga. A mande un ping via Blackberry pero e no ta lese. Diabierna durante dia ta interesante pa sa kiko exactamente ta e motibo pa un paso asina grandi den anja electoral y si berdad por confirma su entrada den arena politico. Si ta asina anto for di awor aki ta bai e mihor deseonan pa Guilfred Besaril. Ta spera di haya un splicacion mas rapido posibel pa evita cu lo keda specula riba e email cu a wordo manda.

Comentarionan (14)Add Comment
arubiano di pura sepa
January 05, 2013
201.229.126.186
Votes: +2
...

Brother no worry tur cos ta di purba , paso tin cu tin menos estudio cu bo ta den parlamento , tin hopi hende ta habri nan boca pero no tin e god pa hasie , sinta jama radio tur dia papia coi kens si ta nan bida , pero a nan ta hasie paso nan ta wordo dirigi, dos radio cu tur dia e hende nan ta sinta papia ariba otro , anto e lugar aki mes ta keda atras , good luck

Josanne Jones
January 04, 2013
201.229.31.114
Votes: +3
...

Historia a demostra cu sindicalistanan cu a bay den politica a fracasa ? ?? ............boso conoce un sindicalista cu yama Lula ........2 biaha president di Brazil e di quinto poder economico .......just saying

johantromp
January 04, 2013
201.229.124.168
Votes: -2
...

A purba como cantante no tawata por, a lanta mesun banda musical no a bai bon, como polis??? a purba como lider sindical ta tuma retiro, ki senjal esaki ta, di atrobe no por. awor kier bai purba den politica. abo mes sa kiko lo ta e resultado.

MCR
January 04, 2013
82.171.87.208
Votes: -2
...

Ay esta kens y hopi narrow minded cierto di nos hendenan na Aruba ainda ta no! Djis pasobra e lo a studia un poco ley ya e lo por ta un bon politico? Ta di unda a bin awor? Bo por ta bon studia den tur ramo mes, pero si bo ta carece di e "personalidad profesional necesario" pa ser un bon "servirdor di pueblo", como politico sigur bo lo ta un "grote NUL"! Como sindicalista mi a scucha varios comentario cu a pone mi pensa hopi.............hhmmmmmm!

E dama cu ta care pa e hende di Aruba!
January 04, 2013
201.229.79.160
Votes: +4
...

Welcome Besaril. Bo ta hopi mas grandi cu Melvin, Clarisca, Laida y e resto di AVP cu tin nan titel den Non sense! Bon bini!

JAC
January 04, 2013
201.229.124.163
Votes: +12
...

Bon anja na tur cu ta usa e site aki. Na Guilfred e mihor deseonan pa cualkier motibo cu a pone bo tuma e desishon aki. Si enberdad ta cu bo a tuma bo retiro como presidente di un grupo sindical, mi mas respet pa bo, pasobra tin varios sindicalista cu no tin e curashi di mustra nan cara verdadero. Nan ta sigi como sindicalista, mientras cu nan ta mas na fabor di personanan politico cu na fabor di nan miembronan cu ta paga nan salario. Guilfred un biaha mas pabien y hopi exito.

... Low-rated comment [Show]
erealidad
January 04, 2013
201.229.72.49
Votes: +6
...

Alomenos Besaril a sinja rechten . Hopi politico(parlementarionan no sa nada di rechten(Derecho di estado y di un cuidadano). Besaril si a sinja esey. Dus mi a sigur cu e lo ta un bon politico tambe.

chinopolis
January 04, 2013
74.82.64.21
Votes: +9
...

Dicon mester ta politica e motibo cu e la retira? Porta e tin otro motibo. Ta 4 anja e la sacrifica pa sindicato y su miembro nan. Porta awo e kier dedica na su mes. Bes hopi suerte den bo futuro.

Mai
January 04, 2013
201.229.17.41
Votes: +5
...

Se irreal bo tin razon. Pa es motibo ex presidentenan di SPA Zaandam i Maduro tambe a subi lista.........ahum. p.s. respet pa Besaril, bon sindicalista.

Mojendi
January 04, 2013
31.151.210.190
Votes: -3
...

No ta ni e promé, ni e ultimo sindicalista cu a fracasá como politico,
asta den exterior. Nan ta pensa cu como politico, bo mester tin boca grandi, pero esey no ta e caso. Aki na Hulanda ta scol bo tin cu bay, pa bo bira un politico, pero any way, ban mira.

... Low-rated comment [Show]
Irreal
January 04, 2013
201.229.40.21
Votes: +11
...

Pa ta presidente di un sindicato i representa solamente nan interesnan ta uno, pa ta politico i representa e interesnan di un pueblo completo ta algo completamente diferente. Un pueblo no conoce solamente un interes, sino varios interesnan di varios grupo i organisashonan, ku tin ora hasta ta contradici o ta den conflicto cu otro. Mi ta curioso pa wak kon abo lo functiona como un politico awor. Bon bini na e otro banda di medaya.

Roy Arubiano Kelly
January 04, 2013
213.10.133.253
Votes: +13
...

Bon dia Guilfred, si ta asina mi ta deseabo tur clase di exito den bo futuro. Cu bo logra locual bo ta desea. Cumindamento

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter