Saturday, 25 October 2014
Regla di prevencion di candela mester wordo amplia Print E-mail
Thursday, 03 January 2013 21:27

Gabriel Kelly

Den combersacion sosteni cu vocero di Cuerpo di Bombero Gabriel Kelly, el a bisa cu den 2012 nan a adkeri material nobo cu ta yuda nan haci e preparacion pa reacciona riba diferente emergencia cu por presenta. Esaki a yuda nan basta den nan trabou, segun el a splica.

Pero tambe personal di Cuerpo di Bombero a mira cierto desaroyo den nan posicion huridico. Tin mas cos cu ta regarda Cuerpo di Bombero cu ta den proceso ainda. Pesey nan tin speransa cu den 2013 tambe cosnan lo sigui cana e bon caminda. Gabriel Kelly mes tin 36 aña di servicio y a pasa den hopi desaroyo cu e Cuerpo di Bombero a conoce, pa cual sigur e ta sinti su mes capacita pa formula cierto plannan pa yuda guia e cuerpo den miho caminda. El a papia un poco di e maneho cu e Cuerpo ta hiba riba reglanan pa prevencion di candela. Por ehempel, na momento di construi edificio ta masha importante pa specifica cual ta su destinacion, pakico e ta bay wordo uza y mester cumpli cu normanan pa prevencion di candela. Si no cumpli cu e normanan, e ta bisa, Directie Wetgeving no ta duna permiso necesario pa opera. E ta kere cu esaki ta exigi un bon comunicacion entre departamentonan pa vigila cu ta cumpli cu normanan basico. Sin esey nan no por haya permiso. Den practica ta haya cu ta core tras di hechonan, y si algo bay robes no por tira culpa riba Cuerpo di Bombero, e ta haya. Aworaki tin un ley di prevencion cu ta cubri practicamente e hotelnan, lugar pa hendenan hospeda, casino y nightclub. Si durante inspeccion resulta cu nan no ta cumpli cu reglanan basico di prevencion, tin un procedura cu por entama, pero ultimo palabra ta keda na Minister di Husticia. Cuerpo di Bombero ta traha un rapport consehando pa cera e luga temporalmente te ora cu e risiconan wordo elimina. Esaki ta un poder cu Cuerpo di Bombero tin pa preveni candela na instancianan asina. E ta haya cu e ley mester wordo amplia y inclui supermercadonan tambe, cu mayoria ta negoshinan grandi mes. Practicamente no ta existi minimarket mas. Cu e supermercadonan, e riesgonan ta bira mas grandi tambe pa cual e ta bira un reto grandi pa Cuerpo di Bombero pa proteccion contra candela.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter