Thursday, 21 August 2014
Dr. Jaime Falconi: Hospital kier bay digitalisa varios di su sistemanan Print E-mail
Thursday, 03 January 2013 21:26

Jaime Falconi

Den combersacion cu director di dr. Horacio Oduber Hospital, el a bisa cu 2012 tabata un aña di reflexion y hopi cambio. “E tabata un aña pa pensa kico ta pasando cu hospital y kico ta pasando cu e cuido medico en general na Aruba,” director dr. Jaime Falconi a duna di conoce.

Otro preguntanan cu a haci ta kico Aruba kier y con ta bay facilita e cuido medico di e dos institutonan na Aruba (Dr. Horacio Oduber Hospital y Imsan). Y e servicio di dokternan di cas. Pues un reflexion, na opinion di dr. Falconi, cu mester a tuma lugar. Na mesun momento e ta bisa cu e reto di mas grandi tabata e contacto entre hospital y AZV, caminda e linea di comunicacion a mehora hopi, caminda e retonan a bira retonan cu ambos organisacion mester a purba di soluciona. Tambe el a bisa cu a haci un esfuerso grandi pa mehora e contacto cu Ministerio di Salubridad Publico, Departamento di Salubridad pero tambe cu dokternan di cas pa mehora e cuido. Tur e contactonan ey a tuma hopi tempo pa regla esaki y tambe den ehecucion di un renobacion y expansion di e hospital. E ultimo aki a exigi hopi tempo di e personal. Na inicio tabatin solamente un persona cu tabata atende cu e tema aki y na final a yega na un grupo di casi 20 persona cu ta colaborando pa duna lo mihor di informacion pa e proyecto. Basa riba tur ya menciona, 2013 lo mester bay bira un aña di ehecucion, dr. Falconi a bisa. E ta menciona ehecucion di e plan di renobacion y expansion di hospital. Na di dos luga esfuerso ta bay dirigi hopi riba educacion di personal y dokternan pa duna un miho servicio. Pa esaki ya caba ta combersando di esaki cu Ministerio di Salubridad Publico y rector Glen Thode di Univesidad di Aruba.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter