Tuesday, 02 September 2014
Aeropuerto contento di por atende fluho grandi di aeropuerto Print E-mail
Thursday, 03 January 2013 21:01

Hendrik Croes Medium
Vocero di Aeropuerto di Aruba Hendrik Croes a duna di conoce cu gerencia ta masha satisfecho cu apesar di e dianan druk cu tabatin relaciona cu fin di aña, e personal a logra atende tur pasahero y no a experencia ningun contra tiempo fuera di lo normal.

Tur esaki tabata debi na e preparacion cu a wordo haci di antemano riba con pa atende cu e fluho extra di pasaheronan. Na aeropuerto tabata tin situacion unda aeropuerto a keda extra tempo habri pa asina e avionnan cu tabata tin retrazo por a baha cu e pasaheronan. Pues a coopera pa acomoda tur aerolinea. Loke si el a bisa cu nan ta premira cu lo bay tin un fin di siman basta druk mirando cu tur esnan cu a bin pasa e dianan di fiesta di fin di aña lo ta bandonando Aruba, inclusive e studiantenan Arubiano cu ta siguiendo nan studio den exterior. Na e sector Mericano tambe e ta pronostico cu lo bay ta druk. Pa tal motibo aeropuerto ta conseha tur hende cu mester bandona Aruba den fin di siman druk, pa check-in basta adelanta, minimo tres ora prome, controla tur papel pa wak si tin tur cos na man. Y sin lubida loke ta wordo permiti y no permiti pa biaha cune. Den e area di avionnan priva tambe na e parti zuid tabata basta druk. Tabata hopi druk pasobra Aruba ta keda un destinacion popular, principalmente for di e paisnan Latino Americano, specificamente Venezuela. Asina mes no tabata necesario pa sera e area pa falta di espacio, pues e situacion tabata manehabel pa aeropuerto. Ainda tin basta avion pendiente pa bandona e isla den e proximo dianan. Den mesun rosea e vocero di Aeropuerto a indica cu ya caba nan ta cuminsa e preparacion pa e temporadanan masha druk cu ta na caminda pa e seccion pazuid, cual ta e periodo di carnaval y Semana Santa. Normalmente tur aña ta spera yegada di basta hopi avion priva. Experiencia ta duna cu mester haci e preparacionnan necesario, segun Hendrik Croes vocero di aeropuerto, pa por atende mas pasahero posibel. Asina mes tin situacionnan hopi fastioso caminda aerolineanan ta laga pasaheronan na caya. Den entrevista cu Hendrik Croes el a splica cu cos sa bai for di man unda seguridad mester cay aden. “Esaki ta situacionnan fastioso y si tin cancelacion of retraso, e ta cay hopi fastioso pa e pasahero. Primordialmente ta e aerolinea ta esun responsabel pa duna informacion na e pasaheronan riba nan vuelo, y kico ta pasando,” Croes a splica. Tambe el a señala cu si tin un cantidad mas grandi di persona cu kier informacion, e ora aeropuerto ta cay aden, y siguridad tambe mester duna un man ora tin biaha e situacion bay un tiki for di man. Masha importante ta pa informacion wordo duna na e pasaheronan. E ultimo recurso ta e intervencion di Polis. Pero simper tat rata pa no yega asina leu.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter