Saturday, 30 August 2014
Vocero Gabriel Kelly: Cambio di aña bay basta keto pa Cuerpo di Bombero Print E-mail
Thursday, 03 January 2013 20:37

Gabriel Kelly 2
Bomberonan tabata tin diferente salida na final di 2012 y comienso di 2013. A sali pa candela di sushi, di auto y hasta a sali pa un alarma falso di candela, segun e vocero di Cuerpo di Bombero Gabriel Kelly a duna di conoce.

Kelly a splica cu riba e ultimo dia di aña 2012 y e prome dia di 2013, nan tabata tin melding di 40 candela di mondi, dos candela di sushi y un candela di auto. Na un occasion, e alarma di Marriott, cu ta conecta riba esun di Cuerpo di Bomber, a wordo activa, pero despues a resulta cu e tabata un alarma falso. Tambe tabata tin cuater asistencia pa emergencia, di cual dos tabata pa boternan di gas na cas cu ta leak, un biaha pa un cacho cu a cay den un beerput y na un occasion a duna asistencia na personal di ambulance. Resumiendo, Kelly ta haya cu e cambio di aña a bay relativamente keto pa Cuerpo di Bombero. Esaki tabata debi cu pa casi tur pagara grandi, Cuerpo di Bombero ta bay riba un standby. Pero e cantidad aki a bira asina hopi, cu no tin suficiente personal pa duna un man na tur e eventonan aki. Solamente un caminda, esta na un hotel, a cende un pagara cu tabata demasiado cerca di e pagara. Casualmente tabatin Bombero den bisindario pa e pagara di seis miyon tiro di Marriott, y a core bay na e sitio, pega cu misa di Noord, unda e klapchi a cende yerba y tabata menasa algun propiedad.

Gabriel Kelly 1

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter