Wednesday, 26 November 2014
SKOA ta organisa dos dia di estudio pa su 5 scolnan di MAVO, esta Maria College, La Salle College, Colegio San Antonio, Colegio San Augustin y Filomena College Print E-mail
Thursday, 03 January 2013 08:17
Comparti
DSC_2063
E dianan di estudio aki lo tuma luga nan La Salle College for di 07.45 te cu 14.00. E meta di e dianan ta pa tin intercambio di idea pa asina yega na un cincronisacion di curiculo di e materianan cu ta duna na MAVOnan resorta bao di nos fundacion.

Riba e dianan aki tur docente cu ta traha na nos MAVO-nan ta bin hunto pa asina delibera riba diferente materia, pa conhuntamente jega na uniformidad na cua tur scol mester tene su mes nan mes na dje. Tur docente/colega ta keda reparti den grupo, unda cada materia haya su debidae atencion. Cada grupo lo tin un of mas guia y nan lo percura, cu na final di e dos dianan di estudio, lo tin un lista di palabracion cu e docentenan mes a traha. Mester yega na un lista di puntonan di atencion y preocupacion y tambe loke por ta mehoracion riba e terenonan aki.

E cincronisacion aki lo percura pa tur e scolnan MAVO, den e caso aki esunnan di SKOA, ta core riba e mesun liña pa loke ta trata contenido di materia. Lo delibera riba aspectonan di metodo, e forma di presenta e materia, e temanan y tambe e preparacion di e alumno ora cu e ta bay di ciclo basico pa cilco avansa. Na final di cada dia lo trata tambe puntonan cu lo tin di fortifica e aspectonan di norma y balor y tambe e aspectonan di siguridad den cada scol. E resultado di e dos dianan aki lo keda discuti den seno di SKOA y lo yega na desicionnan cu lo implementa den cada scol. Pa loke ta trata e aspecto di siguridad, SKOA ta trahando caba riba un protocol di siguridad, pero door di tende un grupo mas grandi di docente nos lo por agrega algun punto na e rapport cu pronto lo keda presenta pa SKOA riba e aspecto di siguridad. Nos ta desea tur docente bon dianan di estudio.

 

Comparti
Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter