Saturday, 19 April 2014
Tremendo ambiente di fin di aña den Caya Grandi Print E-mail
Wednesday, 02 January 2013 18:32

Fin di anja Caya Grandi IMG 2418

E cara di caya principal di Aruba a cambia y e aña aki a celebra e hecho aki cu un fiesta grandi di fin di aña. Caya G.F. (Betico) Croes tabata yen di hende haciendo compras, disfrutando di musica y pagara na varios parti di centro di Oranjestad. Gabinete Mike Eman, banda di a haci cambionan grandi y di importancia vital pa e centro, tambe a duna hopi atencion na atrae pueblo pa sigui haci compras den caya principal, maske cu pa hopi tempo tabata tin hopi trabou andando.

Aki por pensa riba actividadnan special cu a proba di tabata hopi exitoso durante temporadanan di compras pa dia di mama y tata. E ultimo evento di aña, celebrando fin di aña, tabata uno cu a proba di tabata hopi exitoso. Banda di ta celebra final di aña y comienso di otro, e festividadnan tambe tabata pa gradici e pueblo cu a duna su sosten y comprension pa e ultimo aña di trabounan intensivo. Un comision di Ministerio di Integracion, Infrastructura y Medio Ambiente a keda encarga pa organisa e evento di fin di aña, cu a demostra di tabata un exito completo. E celebracionnan a cuminsa na Plasa Daniel Leo, caminda Prome Minister a cende e prome pagara. Cu ritmo di Dande, Robert Maduro, a sigui e celebracionnan hibando e publico na e diferente partinan den Caya G.F. (Betico) Croes cu tabata sea cendiendo pagara of tabata tin un grupo musical cu tabata cuminsa nan presentacion. E publico den caya grandi a haci compras, a baila y canta Dande, mientras cu por a mira un cantidad grandi di turista sacando potret y comentando riba e celebracion bunita aki di fin di aña. Tabata tin varios caminda cu a parti snacks manera oliebollen na tur presente. Tabata tin entretenimento musical na varios skina di caya grandi di entre otro Le Groove, Youth X-treme, Upgrade y Offshore & Friends. E street car tambe tabata den centro di Playa y por a mira un cantidad grandi di hende sacando potret di dje, ora e tabata staciona dilanti di Penha.

album album album

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter