Tuesday, 22 July 2014
Gerard van den Tweel trahando riba 2 di Januari hunto cu e 150 empleadonan na Ling & Sons Print E-mail
Wednesday, 02 January 2013 16:14
Gerard van den Tweel (2)
Hopi lo a mira un meneer Hulandes canando den Ling and Sons cu su lista pero tambe cu cierto producto den su man. Lo bo kere cu ta un trahador di Ling & Sons ta pasa di reki pa reki y analisa e productonan. Den e caso aki aña a habri y propio Gerard van den Tweel cu ta e propietario nobo di Ling and Sons tabata trahando riba e prome dia cu Ling & Sons a habri bek den 2013.

Den un combersacion el a splica cu ta importante pa e tey y mustra cu tur empleado ta mescos. E ta traha hunto cu nan. El a lanta mainta trempan y a reuni caba cu 15 di su managers tur rond di su negoshinan. El a combersa cu nan riba 2012 y kiko nan ta kere mester sosode pa mehora 2013. E comerciante hulandes masha famoso aki ta doño tambe di diferente hotel na Hulanda. Mescos cu na Hulanda e tin varios supermercado di Albert Heijn. Actualmente Ling & Sons a mantene su 150 trahadornan vast cu e supermercado desde entrada di Van Den Tweel Groep. E empleadonan ta aprecia cu nan doño di trabao mes ta envolvi den e trabaonan diario y ta yudanan tambe den tur area. For di 3or di marduga ya caba tin trabaonan andando ora cu e panaderonan cuminsa prepara pan. Asina e dia ta habri y tur empleado ta cuminsa traha nan shift. Segun Gerard van den Tweel actualmente tin empleado cu kier traha normal 6 dia pa siman. E mes ta kere cu traha oranan di mas den siman no ta bon. Mester por traha espacio pa sosega tambe. Nan tin intencion di busca tambe cierto empleadonan part time. Asina hendenan na cas cu kier tin flexibilidad den cierto orario por traha solamente tanto ora pa siman. Tur esaki ta e espacio cu nan kier duna tambe na Aruba. Na Hulanda esey ta asina caba. Cu supermercado di Albert Heijn na Curacao y un Van den Tweel Bonaire, tambe henter siman Gerard van den Tweel ta ocupa su mes ta bula entre e  islanan. E tabata presente dia 2 di January trahando na Aruba y despues lo bai un of dos dia Bonaire y tambe Curacao. A puntra Gerard van den Tweel si ta intencion di cambia e nomber di Ling and Sons den futuro pa Albert Heijn pero esaki ainda no tin un decision fiho riba dje. Loke si ta bisto ta entrada di productonan di Albert Heijn na Aruba. Den e supermercado por mira e prodcuctonan aki. Esey no nifica cu e otro productonan lo disparce.

Gerard van den Tweel a splica cu famia Ling a traha hopi fuerte pa tin un supermercado cu un variacion masha grandi mes di tur cos cu hende mester y ta demanda pe. Esey e kier mantene cu ta riba 40 mil producto. No mester lubida cu e turista mericano cu yega ta busca su procuctonan cu specificacion cu e ta compronde. Ademas tin e mercado Hulandes y otronan cu a studia na Hulanda cu conoce e calidad halto di productonan di Albert Heijn. Pesey mes sin elimina nada lo mas bien agrega productonan di Albert Heijn den e supermercado. Pa algun aña caba tabata intencion pa bin Aruba cu un supermercado nobo di Albert Heijn y esaki lo tabata riba Sasakiweg cerca di Taco Bell. Despues cu el a tuma nota di e intencion di Super Food el a wanta cu e ideanan. Mientrastanto a cuminsa papia cu famia Ling y awe Van Den Tweel Groep a tuma over e negoshi di e famia Ling. Finalmente Gerard van den Tweel ta hopi contento cu 2012 y awor lo traha duro pa surpasa e exito di 2013. Su presencia den e supermercado hunto cu e empleadonan ta algo cu tambe e famia Ling tabata haci semper. Awor cu presencia di Van Den Twee Groep e no ta diferente tampoco.

dowers dowers dowers
dowers dowers dowers

Comentarionan (4)Add Comment
PVV aruba/NL
January 03, 2013
145.53.209.172
Votes: +1
...

ignorancia ta un epidemico na aruba y arubianonan den e forma ki nan no ta keda mucho diferente for di e makambanan.
tipico arubianonan, kritica so, kritica sin por mustra cu nan por mihor.

Wancho
January 02, 2013
69.40.50.227
Votes: +8
...

Spera tur cos no ta bira mesun caro cu VD Tweel na Boneiru, paso eynan nigun hende "normal" por afford e supermarket lamentable.

Lydwi
January 02, 2013
201.229.72.17
Votes: +20
...

Esaki no ta nada stranjo. Ingrid y Jolanda Ling semper tawata traha den e supermercado. Y na Superfood continuamente Jack Bult ta cana rond y ta traha duro. Dus cu otro palabra, dit is niets nieuws onder de zon!!!

alberth
January 02, 2013
178.85.188.122
Votes: -2
...

Ki sorto di noticia esaki. Bai djaki ohm pone profesionalnan traha

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter