Saturday, 30 August 2014
Hospital a atende mesun cantidad di victima d vuurwerk cu añanan anterior Print E-mail
Wednesday, 02 January 2013 14:30
DSC_2063
Departamento di Emergencia di Dr. Horacio E. Oduber Hospital a trata durante fin di siman di aña 2012 pa 2013 relativamente mesun hopi victima di vuurwerk cu aña 2011, 2010 y hasta 2009.

E registracion pa victimanan di vuurwerk a cuminsa 28 di december 2012 te cu dia 2 di januari 2012. Te cu dia 2 di januari pa 1or di merdia a registra 8 victima causa pa vuurwerk cual ta 1 victima mas cu aña pasa.

Remarcabel ta e echo cu 4 di e heridonan ta mucha bou di 15 aña. E victimanan tabata entre 7 cu 42 aña y ningun victima tabata di un gravedad halto pa ser admiti den Hospital. E victimanan aki a haya kemadura di vuurwerk na man y cara.

Si mester remarca cu Departamento di Emergencia tabata bastante trankil durante e cambio di aña, pero durante e otro dianan y tambe 1 di januari anochi a atende hopi pashent cu no tabata di emergencia sino casonan pa un dokter di cas of dokter na warda.

Durante e dianan di fiesta aki Ambulance a transporta 39 pashent pa Departamento di Emergencia. Y e promedio di pashent pa dia cu a bishita Departamento di Emergencia ta 107 y cu a ser admiti ta 19 pashent.

Pa loke ta e otro casonan di emergencia a atende 2 victima di maltrato, 1 cu intoxicacion di alcohol, tambe 4 victima di accident di auto y 1 di brommer.

Y pa loke ta trata e pashentnan di Huisartsenpost of miho conoci como dokter na warda a trata desde diabierna anochi te cu diamars anochi 269 pashent.

 

Comentarionan (1)Add Comment
Edoh
January 02, 2013
201.229.126.178
Votes: +0
...

Nos tin cu corda, cu cada un ta un di mas. Pasa un felis y save anja nobo.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter