| Curpa su mensahe pa 2013: " sembra bon pa risibi un cosecha bon" |
 |
 |
| Monday, 31 December 2012 09:00 |
 E dicho "Loke bo sembra bo ta cosecha" ta uno hopi importante den bida en generaal. Esaki ta conta tambe pa e destino di un pais cu ta wordu goberna door di politiconan. Si un pueblo sembra su voto den partidonan politico ganjador, inmoral y corupto e pais lo produci un cosecha malo.
Si nos wak e cosecha cu Aruba a produci desde di 2009 cu e gobierno actual nos por nota entre otro cu miles di hende a perde nan trabow pasobra Valero a sera, un oumento di criminalidad nunca visto, un finansas publico desastroso cu debenan astronomico y nunca visto, un degeneracion di moralidad, un salubridad publico cu mihor yame abortuar publico, un inhusticia total den e aparato hudicial, un turismo mal maneha y na peliger, un continuacion di e corupcion di amigonan y famianan cu ta wordu previligia cu fabornan politico,, un economia tambelia na unda hopi negoshinan a sera nan porta, famianan no planea pero plama y un pobreza alarmante. Cosnan ta mustra malo pa Aruba. Manera un dicho ta bisa "fruta bon no por bin di un palo malo".. Esnan cu ta kere cu cos ta bon na Aruba, ta sea forrma parti di e grupo di friends and family of ta wordu enganja door di un gobierno cu ta kere den nan mes un mentiranan. No ta tur cos cu ta briya ta oro! Pueblo votador no laga Aruba sigui cai den decandencia y sembra bo voto bon den 2013 pa asina Aruba produci un cosecha bon pa un y tur. CURPA ta desea henter e pueblo di Aruba sabiduria y felisidad den 2013 y ta spera cu Dios por proteha y bendiciona e pida baranca aki.
Comentarionan (8)Mustra/Kita comentarionan ...
Anto hopi hende a kere cu e fantasmanan ta pertenece na pasado. Kier meen durante 2013 hopi fantasma ainda pa molestia hende su cabez!!!
,
December 31, 2012
...
Bunita mensaje, pa anja 2013. Cuminza cu bo mes,waak rond di bo mes den cura, y duna un mensaje mas positivo, y stop di critica. Laga siquiera un dia so esta awe 31 december 2012 pasa tranquil. Semper lo ta bon pa bo cuminsa waak den bo cura, prome cu bo waak esun di bo bisinja. Critica ta hopi facil, hacie ta e cos. Feliz Anja 2013.
,
December 31, 2012
...
Un lenga no por bendiciona y huzga na mes un momento. Si bo kier cuminsa cu bon pia bo tin cu usa e palabra nan manera debe ser y no cuminsa cu huzgamento. Bijbel mes ta bisa cu Dios no a manda su unico yiu pa busca e creyente nan pero e lamchi nan perdi, asina ta si bo kier haci y tin bon intencion cuminsa na drecha prome den bo mes un cas pa despues busca pa haya voto di e forma aki. Nos ta bay dokter pasobra nos ta bon pero ora nos ta malo nos ta bay busca sanacion y tarea di cada ken cu kier un Aruba miho cuminsa na salba esnan cu tin mester pero no busca voto di e forma aki!
,
December 31, 2012
...
Un otro sangura geel, manera un wolf cu hopi apetit pa poder den un disfras blanco. E Curpa cu a wordu dera masha tempo caba, cu no ta conciente loke ta pasa na Aruba, no ta na altura di e ambiente di positivismo y raportnan di instancianan manera Banco central.
Curpa R.I.P
,
December 31, 2012
...
Pero bon, ta ignorante so tin na Aruba cu no por compronde mensahe cu ta pa e mesun bon di e pueblo? Boso no mester vota curpa si boso no kier, pero sikiera keda riba e punto treci padilanti den e artic*lo. Cualkier hende cu common sense sa cu loke tin scirbi den e artic*lo ta berdad. Esnan cu a tume como huzgamento ta pasobra nan consenshi ta remordenan. Increibel con ta existi elementonan cu tin e cuero di cara pa defende malgobernacionnan. Foei cu bosonan na Aruba ya. Bobo mes boso lo keda semper, pesey nan lo sigui horta boso links en rechts.
,
January 01, 2013
Duna Comentario y/of Comparti riba Social Medi |
Mustra/Kita e formulario di comentario
