| Gobierno: Premier Eman y De Zeeuw a entrega certificado na 80 mucha |
 |
 |
| Sunday, 30 December 2012 20:05 | ||||||
|
Un total di 80 hungado di diferente ekipo perteneciente na LIFIDA, ademas di entrenador, mayor y fanaticonan di de Zeeuw a atende e clinica riba e facilidad nobo y bunita ubica banda di Jara Sport Complex. Prome Minister Eman a keda gratamente sorprendi pa e cantidad di mucha cu a participa den e clinica, teniendo na cuenta e fecha cu ta dianan cu normalmente mayornan ta druk cu preparacion y celebracion di e temporada. “Pa nos ta importante pa sostene recreacion sano pa nos conciudadanonan cu hopi biaha ta relaciona cu deporte. Recreacion den un sentido mas amplio cu deporte cu ta mas enfoca riba logro y resultado. Pa nos ta un logro grandi caba ora nos por kita un mucha for di riba caya; pesey nos ta duna hopi balor na tur e terenonan di futbol y otro deportenan, pasobra ta luganan caminda henter famia ta bini hunto,” Premier Eman a bisa. Den 2013 e tipo di e actividadnan aki lo continua. BoBario ta acercando hungadonan profesional cu lo ta di bishita pa invita nan pa duna un cooperacion. “E idea ta pa ofrece na e muchanan y na pueblo alternativanan den formacion cu normalmente ta dificil pa nan paga,” Prome Minister a indica. El a menciona cu e hungado profesional Eugene Kingsale tambe ta forma parti di BoBario y lo duna enfoke tambe na e disciplina di baseball. E meta final semper ta recreacion sano, sin costonan envolvi. Gabinete Mike Eman durante henter su termino a sa di sostene deporte, pero mas leu cu deporte, movecion y recreacion sano. Pesey mes semper ta dispuesto pa organisa tipo di actividadnan, caminda mas tanto, muchanan ta wordo encurasha pa move y haci actividadnan fisico di un manera saludabel, poniendo tambe metanan pa nan futuro. “Mi ta hopi di acuerdo cu e sistema, e forma, e manera cu Mike Eman tin, pasobra mundo ta cambia y nos tin cu cambia cune y Mike ta mustra cu e kier traha cu hubentud,” tabata e palabranan di Francisco Wever, miho conoci como Buchi Panama di organisacion LIFIDA na final di e clinica. De Zeeuw, segun David Abdul di Team BoBario, ta yiu di Arubiano y a dicidi di dedica un tempo di su vakantie pa duna e clinica. “Ta hopi importante pa e muchanan wak cu nan tambe por yega leu manera de Zeeuw a haci,” Abdul a splica. Refiriendo na e reaccion di e futbolista di seleccion Hulanda, el a bisa: “E di nunca e no a wak un clinica bon asina aki. E ta stima Aruba, e ta gusta Aruba y mi ta kere nos lo tende mas di dje.”
Comentarionan (7)Mustra/Kita comentarionan ...
Di con bo ta negativo asina bro , e clinica ta bon pa e muchanan , ami tampoco ta vota pa nan pero mi ta hanja e clinica na su lugar si
,
December 31, 2012
...
Boso por bisa kiko cu boso kier pero Mike tei si pa duna su coporacion pa e hobentud nan di Aruba.
Asina un minister tin cu traha constanto bezig cu su inwoners nan.
,
December 31, 2012
...
Laga e cos aki pa Visser, Stop di hasi propaganda cu otro Minister su cartera.
,
December 31, 2012
...
@ Arubiano pura sepa. Comprondei bon, nada contra e clicica (aunke mi ta puntra mi mes si ta ami a paga pe atrobe). Pero loke ta mi problema cu ultimamente mi ta wak mike corona, parti sticker, parti man, corta lintjes, mientras cu cos na Aruba ta na werki, no tin pa gasta i atraco constantemente.
,
December 31, 2012
Duna Comentario y/of Comparti riba Social Medi |
Mustra/Kita e formulario di comentario
