| Minister dr. Richard Visser y personal di ambulance cu bon conseho pa fin di aña |
 |
 |
| Sunday, 30 December 2012 19:25 |
|
Particularmente e mandatario ta pidi enfaticamente pa tur hende pone atencion debido riba e importancia di preparacion di cuminda y con e cuminda ta wordo warda pa evita cu hende bira malo cu venenamento causa pa cuminda cu a daña. "Cuida kico bo ta come, pone atencion unda bo ta come y con e cuminda ta wordo prepara y warda. No laga cuminda forma un peliger pa bo salud!" Minister Visser a subraya. Ademas, Minister Visser ta pidi pa nos comunidad henter sea consciente cu coremento di auto y tambe di nan uzo di alcohol. Core defensivo, no bebe y despues stuur, pero haci un areglo bon cla di antemano cu un persona cu ta dispuesto pa abstene di bebemento di alcohol pa e por stuur, el a bisa. Yama un amigo of tuma un taxi si bo a bebe, pero no stuur, Minister Visser a conclui bisando. Di parti di ambulance, enfermero Junior Rivero kier a corda tur persona cu ta tuma cierto medicina pa por fabor tuma nan remedinan y tuma nan remedi na ora y segun e prescripcion pa evita cualkier malestar. Concluyendo Sr. Rivero a steun Minister Visser den e peticion pa tur hende bay poco poco cu alcohol, pasobra uzo di alcohol ta hungando un rol hopi grandi den problemanan y accidentenan den trafico. Si bo bebe, no stuur, el a subraya. |
Mustra/Kita e formulario di comentario
