| Mensahe di mr. Juan Ady Thijsen: Otro anja a cera cu e Gabinete Cosmopolitan di Mike Eman na mando, pero nos ta drenta recta final pa cambio na caminda pa un bida mas digno na nos pais |
 |
 |
| Sunday, 30 December 2012 18:41 |
|
Cu hopi promesa y fanfaria a cuminsa un gobernacion nobo bou guia di Prome Ministro sr Mike Eman.Un mandatario hoben sin experiencia, sin experiencia ehecutivo, sin experiencia di por maneha un departamento of negoshi a tuma e timon over di e barco cu yama Aruba y a cuminsa navega. Awe 3 anja despues e pueblo cu a dune e beneficio di duda, awor ya no tin duda mas.No a cumpli cu promesanan. Awendia ainda ta existi BBO mientras den campanja a priminti di elimine completo. Awendia e poder di compras a bira menos, hopi menos mientras a priminti cu esaki lo a crece. Criminalidad, di cual a ser bisa di tin un plan, ta mas pio cu nunca den historia. Gabinete Eman, un partido neo-liberal, kier a bisti e bachi social democrata, pa ganja pueblo cu nan lo traha pa e pueblo pero na final di cuenta nan a traha pa nan mes. Dialogo Social na final di cuenta a bira un otro forma di trece medida y asina a logra subi aov /aww, a subi azv y a subi grondbelasting drastico. A subi roomtax y a subi accijnzen y invoerrechten , a introduci impuestonan nobo riba turista manera flytax, gobierno a mishi asina cu turismo y anja a sera cu gobierno hungando cu pan di hopi.Ya caba e pais ta economicamente debil cu cierre di Valero y hopi tata di famia riba caya y gobierno no tin solucion real. E solucion di Mike Eman pa cu e problemanan economico di Aruba ta yama cosmetica y asina kier hasi facelift tur caminda. Cu e patch-up policy tur atencion a bay na infrastructura. Proyectonan cu no ta caba na tempo, mal planea, cu ta costa hopi y di mal calidad.E maneho di cosmetica tambe a ser hiba den barrionan cu verfmento di algun cas y laga mayoria di cas un banda. Sr Eman ta papia tur dia di green pero e unico cos green cu e tin ta e color di su partido. Hopi placa di pueblo via Utilities a bay pa paga forumnan, paga Al Gore, Wubbo Ockels pero no a trece ningun resultado. Al final despues di 3 anja nos por conclui cu Gabinete Eman no tin niun logro, no a trece ningun resultado positivo y pueblo a perde confiansa den e gobierno aki.Tur indicadornan riba tereno economico ta mustra cu nos economia ta stanca unda pueblo no tin e poder di compra y e commerciante no ta bendiendo y mas ta serando nan negoshi. Menos kerstboom y clapchi bendi cu nunca. Nos situacion financiero a bira instabil y nos deficit y debe nacional ta creciendo na margennan inacceptabel segun normanan Internacional. Manera na Hulanda a bisa Sr Eman cu Aruba su “ economische groei ta basa ariba schuldengroei”. Awor Sr Eman ta wardando Hulanda bin bail nos out pa asina nos entrega nos autonomia na Hulanda.Esaki ta e situacion berdadero cu nos pais tin cu enfrenta unda nos pueblo no por goza mas di seguridad y tin cu biba cu atraco a bira normal den nos bida diario.Un ministro di Husticia cu a laga nos trankilidad bay perdi,un ministro di economia cu a laga nos prosperidad bay perdi. E Pueblo ta sclama. E Pueblo ta yora y esaki tin un solo culpabel Prome ministro sr Mike Eman. Nos pueblo no por mas y Aruba su futuro ta den peliger cada dia cu Sr Eman ta Prome ministro. Loke tabata dimes a bira dimas.Aki na Aruba nos tin dimas coordinadornan, dimas contract nan lucrativo, dimas debe nacional, dimas deficit, dimas prijs nan halto di awa y corriente , dimas desempleo y hasta dimas klinkers cu no ta restando nada di nos naturalesa. Segun Parlamentario mr. Juan Ady Thijsen, Abraham Lincolna a bisa “ America will never be destroyed from the outside. If we falter and lose our freedoms, it will be because we destroyed ourselves.” Esey ta conta pa Aruba tambe” Aruba no lo ser distrui for di pafor. Si nos faya y perde nos libertad ta pasobra nos mes a distruye.” mr. Juan Ady Thijsen den nomber di su famia, sostenedornan y campanjadornan ta spera cu un y tur pasa un bon anja, sperando cu nos ta drenta recta final na caminda pa un bida digno pa un y tur. Comentarionan (14)Mustra/Kita comentarionan ...
Compai, berdad cu bo a hanja cu bo papia hopi bon den parlamento riba e dia cu mester tbta e ultimo dia di mundo? Un cos si; berdad loke bo skirbi aki ta un otro prueba cu bo ta un bon bobolongo.
,
December 30, 2012
...
Sr. Thijsen mester stop di paia soketada y perde
tempo: ban traha lihe pa hasi un fundraisinig pa bo colega Edy Briesen por paga 7 miyon florin cu a ser mafia di nos pueblo....!!!
,
December 30, 2012
...
Despues cu bo a caba di scupi bo gal bo ke bin desea huntu cu bo famia i siguidornan ,pa un i tur pasa un bon anja , wel miho bo busca otro palu bo subi i bin bij.Bo fin tey caba ,djis warda un par di luna mas .Hopi negativo mes.
,
December 30, 2012
...
No ta e mesun campanjadornan di D. van der Linde ta riba potret, esnan cu MEP a busca poco handschoen blanco pa nan elecshon 2005? het kan verkeren.
,
December 30, 2012
...
Adi Adi Adi, ki dia Bo ta sinja. Bo forma di cabes ta mucho bunita pa e tin ceso dje malo ei den dje. Bo tapapia mane ta awo awo babin biba na Aruba. Kiko a pasa cu e ohco anja nan anto?
,
December 31, 2012
...
Mep mester warda sigur 8 fin di anja mas pa un otro partido tin chens di goberna Aruba
,
December 31, 2012
...
Adi bo ta un persona masha bobo mes, cu razon a tumabo tanto anja pa bira abogado, titulo cu bo ta maltrata tur dia cu bo soketadanan cu bo ta skirbi. Manera ta wordo bisa den boca di pueblo " entre bo funcion di Parlamentario y di Abogado no tin diferencia, bo ta mes malo" Abo cu kier tilda otro di l****n mi tin un pregunta pabo! Durante cu bo tabata presidente di RCA " kiko a pasa cu e placa cu nan tabata tin den caha??? Y dikon bo no por drenta den club??
Bo a wordo saca porta pa mal maneho?? Of pasobra plaka a desaparece?? No ta abo a bende tereno di gobierno y despues bay corte contra bo mesun minister?? Awo abo ta bin purba atacha un persona manera Mike Eman?? You got B.......lls.....bo mester ta hopi miserabel den bo bida!!!
,
December 31, 2012
...
Si Salvatore del Pietro, bo tin razon, ta e mes un 'fiel' campañadornan di D.v/d Linde, mi conocé nan bon, que ironía de la vida, asina hende sa cambia, awor mi nos ta kende(nan) lo calificá nan como "traidor" awor.
,
December 31, 2012
...
Ady bo ta ataca Mike pa su trabou nan cu e ta bezig cu ne,ami ta bisa no cu Mike ta trahando pa un bon Aruba den futuro.
Du ne 4 anja's mas pe traha ariba su proyect nan cu eta bezig. Loke cu e ta bezig no ta cos di awe pa majan ta dura algun tempo pa tin su fruta. Mi ta scribi esaki no como un AVPeista pero como un persona nuetraal. I mi credo ta un bon futuro pa nos dushi Aruba.
,
December 31, 2012
...
Esaki nos ta yama hypocrecia di marca mayor pasobra na mes un momento cu e hende nan di MEP aki ta para ta huzga y papia malo y ofende otro nan kier papia di paz. Bo kier drecha mundo cuminsa na bo mes prome y stop di ta trata na venena nos Arubiano nan contra otro y voorla den dia di fiesta cu nos mester ta na paz cu otro manera ruman.
,
December 31, 2012
Duna Comentario y/of Comparti riba Social Medi |
Mustra/Kita e formulario di comentario
