| Esaki ta e Dande manera e tabata wordo cantá y tocá mas cu 100 aña pasá, interpretá pa Jendi Koolman, q.e.p.d. |
 |
 |
| Sunday, 30 December 2012 13:36 |
|
E Dande aki originalmente a wordo componi y cantá rond di aña 1860 pa Jan Leoncio Pieter Koolman Jr. (Pipi), tata di Jendi Koolman. Jendi Koolman su nomber oficial ta: Jan Hendrik Marcus Koolman, 7/10/1885 -- 24/12/1967. Cu edad di mas o menos 20 aña Jendi a cuminsa canta Dande y pasa paranda di cas pa cas. E grabacion di e Dande aki a wordo haci mas cu 50 aña pasá na Sabaneta Recording Studio di Geronimo (Jonco) Winterdaal, q.e.p.d.
E tempo ey Jendi no tabata bon di salud mas; ta bin aserca tambe cu e tecnologia di grabacion di e tempo aya no tabata sofistica manera esun di awendia. Compila y verificá pa Angel Vrolijk (nieto), cu ayudo di algun famia (nieto) di Jendi Koolman. Esaki ta e link pa e Dande: hhttp://www.youtube.com/watch?v=kVnLqJUlg1Q&;feature=share&list=UUvnZb9c4uH3wKVRhqAIfxWA Comentarionan (5)Mustra/Kita comentarionan ...
Pabien na Angelo Koolman cu a sali na di tres lugar den e di 40 anja di festival di Dande y tambe na e grupo Stima Mi
,
December 30, 2012
...
Esey ta e berdad, mi tabatá bisiña di Mojendi pa hopi aña, awor aki mi tin casi 70 aña, y mi ta corda cu mi tabata bay wak nan train cu e grupo cu a bira tambe Mariachi Flor de Mayo, despues Perla di Aruba.
En berdad Jendi a graba Dande aki tempo cu ya e no tabata asina activo mas, mi ta corda cu e ta toca tambu tambe y canta. Asina nos por papia hopi di Jendi, pero mi a ripará cu esey ta wordó hací masha poco. Basta aña pasá den un mail pa Jubi Naar na Diario, mi a pidié pa haci esey, pero te awe manera e bieuw nan ta bisa, ni musca no a bula. Recordar es vivir. Angel saludos, bo sa ken mi ta.
,
December 30, 2012
Duna Comentario y/of Comparti riba Social Medi |
Mustra/Kita e formulario di comentario
