| SAC: Encuentro cu tur instancianan cu ta atende cu Carnaval |
 |
 |
| Friday, 28 December 2012 22:42 |
|
Manera cu tabata sosode durante e ultimo añanan cu SAC hunto cu tur instancia y organisacionnan cu tin di haber cu Carnaval tabata reuni pa asina hunto delibera riba e programa completo y asina hunto ta haci palabracionnan y tambe ta trece puntonan di atencion cu mester tene na cuenta cu nan durante cada actividad. SAC pa medio di e comunicado aki kier a haci un yamada na representante di Cuerpo Policial, Ambulance/ImSan, Cuerpo di Bombero, DOW, Departamento di Salubridad Publico, DIP, Serlimar, Cruz Cora, Ministerio di Cultura,Comision Parada di Luz y Parada di Blaas, Comicion di Tumba, Comision di Tumberito y Calypso Y Roadmarch infantil y hubenil, representante di Hebe Hebe, Ban Djo Djo, E mecha y Flip Flop, Fundacion Musica, comision di Momo-Momito, Comision di Reina, Centro di Bario. SAC ta recorda tur representante pa ta presente pa e encuentro diahuebs 3 di januari 2013 pa 2:00pm den e sala di reunion di ATIA. SAC ta desea un bon aña 2013 na Pueblo di Aruba completo y especialmente tur esunnan cu ta haci posibel cu Aruba por disfruta di un tremendo Carnaval. Ban tur hunto sigui traha pa Aruba y nos bishitantenan por sigui disfruta di un tremendo Carnaval. |
Mustra/Kita e formulario di comentario
