Strea di ballet Leonid Kozlov a haci “The Nutcracker” den un treat Navideño di tur aña

Friday, 28 December 2012 18:09

Na 2007, un bishitante di Aruba a dicidi di haci’e su di dos cas. Leonid Kozlov, ex bailarin principal di Bolshoi y New York City Ballet y strea di e Broadway Revival di “On Your Toes”, hunto cu su casa, prima-ballerina Adriana, a establece riba e isla part-time. Nan amor pa baile a envolve nan cu e comunidad local di baile, treciendo produccionnan na e isla durante cada temporada di Pasco. Leonid a lansa su mes den un carera den ballet clasico, inspirando bailarinnan jong rond mundo. E defecto di Leonid pa west ta e factor pa scriptnan di pelicula. El a evadi un escuadron di agente di KGB cu a rondona e Shrine Auditorium na Los Angeles na 1979 pa asina logra un libertad creativo y logra traha un carera nobo. Inmediatamente el a wordo invita pa ta strea hunto cu e Ballet Australiano for di Melbourne, caminda el a bin cu su produccion di The Nutcracker. Eventualmente, el a wordo invita pa George Balanchine pa bira e bailarin principal hunto cu New York City Ballet, y na 1991 el a conoce su casa, prima bailarina Adriana. Leonid y Adriana ta pasa nan vakantie na Aruba, hunto cu algun di e miho bailarinnan di e area Tri-state di New York, caminda nan ta ofrece tayer y baila den produccionnan. Un di e tradicionnan mas stima di e temporada aki den hopi ciudad grandi rond di mundo ta e “Nutcracker Suite” di Tchaikovsky, cu a wordo presenta pa prome biaha na Aruba den Cas di Cultura na Januari 2008. Leonid y Adriana a dedica un tremendo cantidad di tempo y tur nan profesionalismo den e proyecto aki cu e speransa pa encurasha e aprecio pa baile clasico entre e hobennan di e isla. Nan ta spera cu bishitantenan di e isla por tuma bentaha di e oportunidad aki pa disfruta di e experiencia inmortal di Pasco aki, presenta pa streanan di taya internacional y e talentoso bailarinnan Arubiano. E ballet “The Nutcracker” lo wordo presenta den Cas di Cultura y un Gala di Aña Nobo lo wordo presenta cu un variedad di baile: ballet, jazz y folklorico como tambe algun fragmento di The Nutcracker, cu lo wordo presenta den Occidental Grand Resort. E aña aki, un biaha mas e bailarin principal di New Jersey Ballet, Albert Davydov, lo aparece den The Nutcracker como tambe den e Gala di Aña Nobo. E lo ta bailando pas de deux, “Diana and Acteon Pas de Deux” cu e sensacion hoben di ballet, Sofia Greenbaum. Tambe e lo presenta un excitante “Gopak” Ruso yena cu bulamento halto. E produccion di “The Nutcracker” tin costumnan impresionante y setnan produci pa maestronan Ruso. E bunita produccion aki lo wordo presenta den Cas di Cultura riba diasabra, dia 29 di december, pa 8’or di anochi y diadomingo, dia 30 di december, pa 4’or di atardi. Ticketnan ta na balor di 35 florin of $20 y por hayanan na benta den Van Dorp Bookstore den Caya Milio Croes na Dakota, como tambe nan sucursalnan den Divi Resort, Tamarijn Resort y Holiday Inn. Ticketnan tambe ta disponibel prome cu e presentacionnan. E presentacion di Aña nobo lo tin e mesun prijs y ticketnan por wordo cumpra na e conciërge desk den Occidental Grand Resort na Palm Beach. Por bishita nan website: www.dancearuba.com pa mas informacion.