Egbert Robert Franken, ta haya su BYD gratis

Friday, 28 December 2012 17:51

E di dos y ultimo ganado den e campaña fabuloso di BYD y Garage Cordia Aruba a keda anuncia ayera tardi y ta trata di Sr. Egbert Robert Franken. E sorteo entre e 15 finalistanan a tuma luga na e showroom di Garage Cordia Aruba situa na Camacuri den presencia di prensa, gerencia y empleadonan. Manera ta conoci, e agencia di auto y distribuidor exclusivo di marca BYD a lansa na mita di aña, un campaña nunca bisto prome na Aruba. Cada bes cu a yega na e cantidad di 15 auto BYD bendi, cada un di e clientenan aki a haya chens di bay den un sorteo pa gana e auto completamente gratis. E prome ganado di e campaña tabata Sra. Diana Polo Serrano, kende a cumpra su BYD durante e Mega Sale Event di Aruba Bank y den fin di october su nomber a sali den e sorteo. Na e ocasion aki, e diescinco finalista a presenta diabierna merdia na showroom di Garage Cordia na Camacuri. E finalistanan tabata: 1. Darlison Tavarez, 2. Karen Kross-Beukeboom, 3. Miriam Coromoto Navarro, 4. Stephanie Melissa Croes, 5. Melissa Felicia Carriho, 6. Raquel Bregita Ras, 7. Egbert Robert Franken, 8. Sarita Jacqueline Irausquin, 9. Antonio Quant, 10. Franklin J. Geerman, 11. Albert Hubert Tromp, 12. Angele Scholten, 13. Freddy E. Tromp, 14. Viveca Alexandra Wiersma, y 15. Mildred Josefita Tromp. Tur a pone nan cupon den un tombola y riba instruccion di Assistentedi Mercadeo di Garage Cordia, Luisa Monsalve, miembronan di ekipo di benta a scoge un colega di departamento di administracion, kende sin wak a saca e cupon ganado. Inmediatamente a keda anuncia cu e agente di benta cu a bende e BYD F3-1 tabata Johnathan Harsveld y e ganado ta Egbert Rober Franken. Egbert Franken a grita y bula di alegria bisando “Mi tabata sa!”. Inmediatamente el a bin dilanti, y den entrevista en bibo pa radio Caliente cu a transmiti henter e sorteo, Franken a splica con el a gradici Señor Dios pa por a lague cumpra e auto BYD pa su señora y a pidie tambe pa lague gana e campaña. Garage Cordia Aruba ta desea hopi pabien na e ganado. Tambe ta gradici tur hende cu a participa den e campaña y a deposita nan confiansa den BYD y Garage Cordia Aruba. Garage Cordia Aruba, ta probecha pa desea tur cliente y henter pueblo di Aruba un feliz aña 2013 y ta pidi pa keda pendiente pasobra lo tin mas sorpresa y campaña den e aña nobo.