| XC-Lanz Carnival Group, ta bin cu “The Aruban Sunrise fantasy” pa Carnaval 2013 |
 |
 |
| Friday, 28 December 2012 15:16 |
 XC-Lanz Carnival Group ta den pleno preparacion pa Carnaval 2013, cu e tema: “The Aruban Sunrise Fantasy”. Carnaval 2012 tawata un eksito total pa e grupo, unda cu a ricibi un aceptacion grandi como tanto di e pueblo y medionan di comunicación y hasta a cay den premionan. XC-Lanz Carnival group ta cla pa ranca sali den 2013 pa asina engrandece nos dushi Carnaval 59.
E diseño di e trahenan a keda den man di e conocido Michael Douglas. Colornan cu lo domina den e trahenan lo ta Oranjo, combina cu oro, cu ta refleha e solo di mainta. E comision organisador a dicidi di mantene e grupo na e cantidad di 125 participante pa e seccion di massa. Agrupacion musical cu lo compaña e grupo lo ta den man di XC-Lanz band. Concepto di e grupo ta, pa cada participante ricibi e atencion y servicio cu nan merese durante e paradanan, y gosa di un dushi ambiente jena cu bon musica. Prijs di inscripshon lo ta Awg 475,- cual ta inclui: participacion pa tur 2 parada (Parada Grandi San Nicolas y Playa), bebida, cuminda, banda, headpiece y trahe(Costo di e costurera no ta inclui) E tela a ser busca for di New York y lo ta exclusivamente obtenibel cerca e costurera. E inscpricpion pa reserva bo lugar ta solamente Awg. 100,-. XC-Lanz Carnival Group, lo ta participando den Fakkel optocht, prijs pa participa lo ta Awg 55,-, cual ta inclui open bar y flanel. XC-Lanz Carnival Group, tambe lo participa den e lighting parade na Playa y parada di luz na San Nicolas, mas informacion encuanto di esaki lo keda publica despues. Pa mas informacion por tuma contacto cu e comision organizador na : 560-0842, 560-7765 of 744-7533. 2012/dec/28/carnival/front.JPG" alt="mt_gallery:dowers" style="margin: 5px; float: left; width: 600px; height: 450px;" title="album.JPG" height="450" width="600" /> |
Mustra/Kita e formulario di comentario
