| Decorando oficina di minister di husticia den ambiente di fin di aña |
 |
 |
| Friday, 28 December 2012 15:01 | |||
 Recientemente seccion di damas di KIA a traha decoracion di pasco cu material recicla y a decora esaki na oficina di minister di husticia. Tur esaki den cuadro di nan proceso di resocialisacion.
Ya pa algun siman caba un grupo di damas prisionero den KIA ta trahando riba diferente proyecto como parti di nan proceso di resocialisacion y rehabilitacion. Un grupo di damas y hoben a graba varios cancion cu e grupo musical Honey Pot. Un di e proyectonan tambe ta pa traha decoracion di pasco. Un parti di e decoracion a wordo usa pa decora oficina di minister di husticia. Otronan lo wordo usa pa decora varios otro localidad rond di Aruba. Tur decoracion ta traha di material recicla. E material cu a wordo usa tabata donacion di diferente compania local. E companianan aki ta participa activamente den e proceso pa resocialisa presonan. Esaki ta un desaroyo hopi positivo. E companianan aki ta compronde cu na momento cu e preso bandona KIA e mester forma parti bek di nos comunidad pero den un forma positivo. Contribuyendo den e proceso di resocialisacion e preso na momento cu e sali for di KIA lo sa un ofishi cu el a siña durante su detencion. Den e dianan di pasco un grupo di preso a duna un show di canto den KIA huntu cu Honey Pot. E cancionan cu nan a presenta ta componi y canta pa e presonan mes.
Comentarionan (2)Mustra/Kita comentarionan Duna Comentario y/of Comparti riba Social Medi |
Mustra/Kita e formulario di comentario
