| Relaciona cu e limpiesa di pagara riba 31 december: Coopera y cende pagara den Caya Grandi prome cu 3.30pm |
 |
 |
| Friday, 28 December 2012 13:41 |
 Relaciona cu e limpiesa di pagara den nos Caya Principal riba 31 di december, Serlimar ta comunica lo siguiente na tur establecimento cu tin e tradicion di tira pagara:
Manera ta e custumber di tur anja, DOW y Serlimar den estrecho colaboracion ta encarga cu e limpiesa di e pagaranan den Caya Grandi riba 31 di december. Esaki no ta un trabao facil ya cu e papelnan corra di pagara facilmente por bula bai y ta plama tur rond. Tambe, si awa yobe, e papelnan aki ta bira sumamente dificil pa retira. En breve, e limpiesa di pagara ta un trabao cu ta exigi hopi energia y tur anja esaki ta rekeri di e ploegnan di limpiesa pa keda te den oranan laat di anochi pa motibo cu pagaranan ta ser cendi despues cu e ploegnan di limpiesa pasa. Pa e motibo aki, nos ta apela encarecidamente na un y tur cu tin pensa di tira pagara riba 31 di december den Caya Grandi, pa coopera cu e Team di Limpiesa di DOW y Serlimar y cende nan pagara prome cu 3.30pm Bispo di Anja 2012 lo culmina den un celebracion espectacular den nos bunita Caya Principal. Ban nos tur coopera cu e Team di Limpiesa di DOW y Serlimar pa asina nos Caya Principal drenta den Anja 2013 limpi limpi! Di antemano, nos ta gradici e cooperacion di un y tur pa yuda proteha nos tremendo Caya Principal recien renoba. Serlimar y DOW ta desea un y tur un prospero Aña Nobo y un Aruba limpi.
|
Mustra/Kita e formulario di comentario
