| Charlene Oduber di KIA: Ta hopi importante pa haña cooperacion di comercio |
 |
 |
| Friday, 28 December 2012 10:11 |
 Durante fin di siman a tuma lugar un concierto di pasco den KIA. Charlene Oduber, miembro di management team di KIA encarga cu gedeteneerdenzorg a duna di conoce cu e projecto piloto di resocialisacion ta canando hopi bon y e ta convenci cu despues di evaluacion e programa lo continua. E cooperacion y reaccion di negoshinan cu a wordo aserca pa yuda ta positivo.
Participacion di comercio den e programa di resocialisacion ta sumamene importante. Negoshinan ta contribui no solamente door di hasi donacion di nan matreial pa resicla pero tambe door di duna e detenido trabou durante su detencion. Parti di e trabou ta wordo haci den KIA mes of durante werkverlof di e detenido. E meta di e programa ta pa cada detenido cu participa den e programa tin un trabou na momento cu e bandona KIA. Esaki por sosode solamente cu cooperacion di comercio. Bou di guia di reclassering lo traha pa percura pa e persona aki keda den e bon caminda tambe. Sra Oduber ta sumamente contento cu e reaccion y comportacion di e detenidonan durante e programa y ta remarca cu nan "hamber pa educacion" ta di admira. Di parti di management di KIA lo duna guia y lo traha duru pa coregi e detenidonan cu ta parti di e programa. Na final di nan sentencia nan lo mester drenta comunidad bek como un persona rehabilita cu por contribui positivamente na sociedad.
|
Mustra/Kita e formulario di comentario
