|
E comerciante a splica cu Aruba a avansa hopi riba tereno di control. “Tin un mehoracion hopi grandi,” el a bisa. Aunke na mesun momento e ta admiti cu tin hopi regla, pa cual e ta kere cu falta comunicacion riba esaki cu nan, pero ta bisa cu e reglanan ta mehoracion y nan por compronde esaki.
E ta haya cu si nan por sa di e reglanan di antemano, nan por prepara miho. Den su caso cu e tin 15 aña di experiencia, e por adapta su pedido y percura pa tur cos cana manera debe ser. Ashby, cu tin masha hopi aña di experencia, ta kere cu e interes pa klapchi tey. Pero e interes a cambia. Mayoria hende ta cumpra nan klapchi pa e ocasion, esta pa dia 30 of 31 pero no asina hopi manera antes. Hopi hende ta cumpra e cosnan cu ta saca colornan bunita of ta aglomera nan klapchi pa tira riba 30 y 31 di december, y no manera antes cu tur dia tin tiramento. Pagara ta keda un tradicion na Aruba, mientras cu e interes pa flowerbeath ta sigui crece. Den e combersacion cu Franklin Ashby el a splica cu pagara ta keda atractivo den famia y cerca comerciantenan, kendenan kier core cu fucu of wak kende ta tira mas pagara mas grandi. E lo keda pa basta tempo asina. Pa pagara grandi, lo tin un scarsedad sigur, pasobra ta 16 container nobo so a drenta y di loke e por a mira, e por bisa cu ta bay tin scarsedad di pagara di un miyon, mey miyon y hasta di 300 mil tiro. Esaki debi cu ya caba a constata cu hopi hende a baha nan consumo di vuurwerk, principalmente e pagaranan grandi. Tambe el a bisa cu den pasado tabata haya hopi donderboos, doubleshot, batata, crazy beng, daddy single voice, y poco-poco e cosnan cu ta haci desordo nan popularidad ta bahando y ta pasando mas awor pa vuurwerk mes manera flowerbeaths, cu ta brinda p.e. famia un show personal na cas. E popularidad aki ta creciendo cada biaha mas. Tambe el a menciona esnan cu ta wordo yama Fountain. Pa loke ta prijs, tur aña esaki ta varia dependiendo di e materia prima, naturalmente combina cu gastonan di transporte, seguro y condicionnan local cu ta trece mas gasto cune. Lo tin un diferencia, pero no di e grandi ey, segun Ashby. E ta consciente di e tragedia cu a sosode na Corsou pero e ta sigura cu e comision di Aruba ta enfatisa hopi riba siguridad. No ta tur hende ta atende tur e reunionnan, pero ta percura pa esnan envolvi ta na altura di e reglanan. E tambe ta bisa caminda cu e klapnan ta wordo warda, ta aleha di casnan, locual no ta e caso cu e situacion na Corsou. E ta kere cu Wela ta hopi sigur, aunke esnan cu ta atende cu esaki tin su peligernan. “Nos ta preveni hopi, y ta evita pa otro personanan yega cerca. Solamente esnan cu tin di haber cu e materialnan.” A spera cu toch lo tin comerciante cu por a cuminsa bende riba diaranson mes.
 |
Mustra/Kita e formulario di comentario
