| Rubin Ponson: Condicion y exigencianan pa benta di clapchi no a cambia mucho e aña aki |
 |
 |
| Thursday, 27 December 2012 22:08 |
|
Pero tambe bendedornan sa cu no ta permiti pa bende clapchi na muchanan bou di 12 aña. Un problema cu nan ta constata tur aña ta cu ta yena e container parti dilanti cu demasiado hopi clapchi. Lamentablemente a bin ta constatando cu den e ultimo dianan, door di e drukte, ta tira cahanan bashi rond di e puntonan di venta. Esaki mientras cu tin un regla cu ta bisa cu esaki mester wordo deposita den un container of baki sera pa evita cu nan ta forma peliger pa candela. Pa e aña’ki for di tempran a keda estableci un maneho pa e clapchinan cu por wordo bendi. E ta un maneho stipula for di aña pasa caba cu a conoce un cambio chikito, den e parti di show di vuurwerk. Aña pasa, e ta corda, a haya hopi klap cu no ta cumpli cu e condicionnan ora di bay testnan, p.e. e mechanan ta hopi cortico, of nan ta cende mucho lihe; no tin instruccion riba e pakinan. Tur e puntonan aki a mehora hopi e aña aki. Loke si a sosode ta cu e aña aki mester a saca dos klapchi for di circulacion, cu ta daddy single voice y crazy bang. E motibo ta cu ora di test a constata cu si antes nan tabata uza papel of carton pa cera e tubonan aki, awor a resulta cu nan ta uza un tipo di klei of piedra, cu na momento cu e rementa, e ta spart esaki na pida-pida. A haci test den presencia di importador, cu a constata pa nan mes cu ta posibel pa laga esaki wordo bendi. Tin algun cargamento a bay caba den container na momento cu a haci test of nan tabata poni mucho patras pa por saca nan, sinembargp tur e puntonan di benta a wordo avisa di esaki. E comision lo haci controlnan pa sigura cu e no ta wordo bendi. Tur hende sa kico a pasa na Curacao caminda tin 4 morto den un explosion na un lugar caminda tambe ta warda clapchi, “y di tur cos cu pasa bo ta siña di dje sigur,” el a bisa. Di e explosion mes, ainda no a saca con el a tuma luga. Ponson conoce Kruithuis di Corsou y e por bisa cu Aruba ta miho organisa. E situacion di Kruithuis ta fastioso pasobra tin diferente edificio construi rond di dje, cu ta haci mas facil pa yega cerca, mientras cu esun di Aruba, Wela, ta un luga hopi sigur. E ta kere cu accidente cu pasa ta riesgonan ora cu no tuma procedura corecto. Loke cu a sosode na Corsou no tabata tin consecuencia pa Aruba, solamente kier sa cual ta e causa pa tene cuenta cune na Aruba tambe. Loke si a haci, ta cu a reforsa e siguridad di Wela, manteniendo mas tanto hende posibel for di e area. Den cuadro di e accidente mes, e show di vuurwerk di Ling & Sons a wordo para. Tin otro show cu lo tuma luga, durante cambio di aña na hotel, cu lo sigui. |
Mustra/Kita e formulario di comentario
