|
Franklin Ashby: Interes a cambia di klapchi manera donderboos, pa esunnan cu ta saca cosnan bunita |
 |
 |
|
Thursday, 27 December 2012 22:10 |
|
Diaranson, 27 di december, ta un dia cu chikito y adulto di Aruba ta spera. Ta e fecha cu autoridadnan concerni, entre otro comision encarga cu control di klapchinan, ta permiti e reparticion di tur e material cu por wordo bendi for di awo te cu 31 di december awor pa 9’or di anochi.
Franklin Ashby, un bendedor di klapchi, pero tambe encarga cu reparticion di vuurwerk rond Aruba, tabata presente diaranson na Wela momento cu e containernan tabata wordo saca. Ashby tabata masha satisfecho con e proceso a tuma luga y tabata tin e speransa cu prome cu oranan di atardi ya caba nan lo a entrega tur e containernan cu klapchi na e 68 puntonan di benta. Segun el a splica, ya caba nan tin dos siman trahando pa saca container for di waf, baha tur material y reparti nan pa e diferente containernan. Di e manera aki tur cos ta cla pa entrega ora cu e fecha yega. Tin comerciante cu por cuminsa bende diaranson mes, pero esnan cu mester parti e material di nan container riba diferente punto di benta si probablemente ta cuminsa bende te cu diahuebs mainta. Den caso di Ashby, e por a cuminsa bende klapchi merdia mes di diaranson.
 |
Mustra/Kita e formulario di comentario
