| Mr Chris Lejuez: E forma cu a actua contra dr Narain ta uno inmoral |
 |
 |
| Thursday, 27 December 2012 21:44 |
|
Tur esaki mientras cu e algun dianan cu e tabata biaha pa exterior tabata pa asuntonan di su salud. Lejuez a cuminsa pa splica cu e conflicto ci ta existi entre su cliente y hospital, no tin nada di haber cu su calidad of capacidad como Ginecologo. E problema tin di haber cu reemplaso di su persona ora cu e mester biaha. Na algun ocasion dr. Narain mester a biaha pa su salud, y mester a busca un reemplaso. Na Aruba antes tabatin cuater Ginecologo trahando independiente, y tabata coopera cu otro cu reemplaso. Pero awendia, segun Lejuez ta splica, e situacion ta diferente. Tin solamente 2 Ginecologo independiente di cual un ta dr. Narain y e otro ta traha na e consultorio na Punta Bravo, y tin dos mas cu ta den servicio di hospital, pero trahando na e consultorio na Punta Bravo. Durante e biahanan cu e mester a bandona Aruba pa algun dia pa su salud, el a haci apelacion na Ginecologonan di Punta Bravo pa coopera cu su reemplaso, pero el a wordo nenga rotundamente. Esaki a causa cu hospital a tuma dr. Narain na malo y no a cumpli cu e convenio cu hospital, pa cual a impone un schorsing riba dje. E Abogado a ilustra cu tin dos Ginecologo di afo trahando pa hospital y pesey el a pidi hospital tambe pa instrui e Ginecologonan aki pa reemplas’e, cual nan a nenga di haci. Mirando su situacion di salud cu ta exigi pa e bay den exterior cada biaha, el a haci un apelacion na e Minister encarga cu Salubridad Publico duna un MB pa e trece un Ginecologo for di exterior cu por reemplas’e. Ta trata di un Ginecologo cu ya caba den pasado a yega di traha pa dr. Narain ora cu e mester a biaha. El a haya e permiso bou di cierto di condicionnan, pero hospital a bisa di no ta acepta pa e Ginecologo aki, cu a reemplasa dr. Narain como shete biaha caba, traha na Aruba. Awor dr. Narain a haya su mes obliga pa cuminsa un caso sumario pa evalua si e decisionnan tuma door di hospital ta “onrechtmatig”. E Abogado ta haya masha inhusto y inmoral e posicion tuma door di hospital pa no permiti su Ginecologonan reemplasa dr. Narain e periodonan cortico cu e mester bay den exterior pa su salud. “E forma di actua aki ta inmoral,” Lejuez a bisa. Posicion di hospital ta ora cu un dokter bay afo, e mester percura pa tin un colega cu ta reemplase. Hospital ta exigi cu e dokter aki ta uno registra na Hulanda. Pues dr. Narain ta wordo obliga pa trece un Ginecologo for di Hulanda pa solamente cinco dia. Esaki, mientras cu ta existi formanan hopi mas adecuado , manera lagando e Ginecologonan cu ta traha pa hospital reemplasa dr. Narain pa e periodo cortico. El a splica cu basta aña pasa tabatin Ginecologonan independiente, despues nan a cuminsa traha hunto. Y kisas door di concurencia, e relacionnan a daña na caminda cu no kier coopera. Hasta a pidi AZV pa intermedia den conflicto pero no a logra tampoco. Hasta a bay cerca e Ginecologonan di Punta Bravo, for di prome instante a nenga. Esaki siendo cu el a regla tur cos cu practicamente e Ginecologonan no mester reemplase sino ta pa casonan di emergencia. Comentarionan (8)Mustra/Kita comentarionan ...
Si e relacion entre e specialistanan tbt bon lo no tbt tin problema. Pues e solucion mester worde busca den e relacion entre e specialistanan. A bira tempo pa bin cu reglamnentonan stricto y esun cu no ke cumpli busca otro caminda pa traha y no laga patientnan bira victima di e malcriansa cu ta existi den tur sector di salubridad na Aruba.
,
December 27, 2012
...
Ta e mesun Falconi cu a nenga pa nos yiunan di
tera core stage na Hospital? Awor ta hunga power play cu Minister di Salubridad...!!! Na momento cu Minister firma un MB pa un remplazante, sr. Falconi mester cera su boca y hasi su trabou...Aruba tin den e momento aki e director di hospital di mas incompetente y mediocre den henter su historia...!!!
,
December 27, 2012
...
mi persona conoce dr narain di hopi serka I tambe ta patient di dje.ta duel mi con hospital ta actua continuamente riba dr narain pa motibonan cu ami ta hanja cu por wordo resolvi na mesa.awoki a suspende dr narain I no ta dr narain so a castiga pero tur su patient nan cu ta onder behandeling serka dje.lagando e patient nan desampara I desespera I preocupa paso kada patient tin derecho di scohe su gyneacoloog cu e ta confia.awoki ta hanjabo den un situacion cu porta nan ta wordo sera paso ta patient di dokter narain locual ami ta hanja hopi inhustu,onmenselijk I mishandeling contra e patient cu democraticamente ta scohe pa wordo atendi na e dokter cu e ta confia .
,
December 28, 2012
...
Esaki ta powerplay y Hospital (Dr. Falconi) tin falta. Si e dos ginecologonan cu ta ariba payroll di Hospital no kier coopera, Hospital mester grijp in y pone nan coopera. Si nan no cumpli cu e ordo di nan werkgever, anto nan mester word'u geschors y no Dr. Narain! Tur hende tin derecho di busca nan salud y mescos ta conta pa Narain tambe. Aparte di esei, tur medico tin e deber di duna cuido medico (eed van hippocrates) y si e dos specialistanan di Hospital nenga di hasi esei, ta nan ta den plichtsverzuim. Forza na Dr. Narain den e lucha aki y Forza na abogado Lejuez, spera cu boso gana e caso
,
December 28, 2012
...
@rod:
Mescos cu Dr. Falconi, bo ta wordo paga cu e mesun belasting geld di nos. Si bo no ta di acuerdo cu Falconi, apply pa e trabow y wak si bo por hasie miho. Just a suggestion, paso den media bo ta hasi tur cos bon, ban wak si den realidad tambe bo por.
,
December 28, 2012
...
Bon dia, conoiendo dr naran basta anja tur lokual cu hospitaal ta hasiendo cune ta algo inhusto! Pasobra eta un persona hopi profecional den su trabou y no ta dificil pa compronde tampoco....aki na aruba nos tin 4 gynaecoloog . pa 10 anja largo ki ora dr narain mester bai pa su salud y wak su mama cu ta biba afo e tin problema paso niun otro no ker keda pe! Pa motibo nan ker boycut e semper, dr narain mester semper un abugado pa defende unda cu e bai! Esei sii no por no ta solamente inhusto pero tambe hopi improfecional na tur banda! Ultimo cu ela bai bin bek ta haja un carta di e schorsing pa aantal tempo paso ela laga un venesolano cu a keda pe 2 siman...y e venesolano aki no mag drenta hospitaal tampoco! awo bisami si esaki nota DISCRIMINATION? Dr narain hopi forsa misa cu bo lomba ta hancho y bota wanta hopi bosa cu tur caso ba gana laga hospitaal hasi kiko nan ker ki sorti discrimination cu nan ker dus laga nan cu dios su poder bolo gana esaki tambe!
,
December 28, 2012
...
Parce cu Dr.Falconi su beslissing ta gebaseerd op emoties/gevoelens (vriendjes politiek) i no riba profesionalisme. What a shame.
,
December 29, 2012
...
Ora neurologonan Macamba bini pa reemplasa y cu pacientnan latino cu no ta comprondenan esey si ta wordu tolera den Hospital? Latinonan ban uni forsa contra e discriminacion den Salubridad nos ta majoria tog riba e isla aki. Tur esaki pa motibo di powerplay di Falcone y su team di Macamba cu ni Papiamento nan no ta compronde corda Spanjo y ta reseta hala remedi si anto sin compronde e pashent.
,
February 09, 2013
Duna Comentario y/of Comparti riba Social Medi |
Mustra/Kita e formulario di comentario
