| Coca Cola Green Dreams tin e piñata MAS grandi y hopi premio pa pueblo di Aruba |
 |
 |
| Thursday, 27 December 2012 20:14 |
|
E campaña fabuloso di The Tropical Bottling Company y su productonan Coca Cola y Sprite a causa un furor na Aruba. Un cantidad grandi di ganado di premionan chikito y mediano a reclama nan regalonan y diasabra dia 29 di december ta na turno e finalistanan pa e premio mas grandi: un Toyota Prius nobo nobo. Ariba diasabra anochi na Renaissance Marketplace ademas di entrega e yabi na e ganado di e Toyota Prius, tur hende presente ta wordo invita pa purba nan suerte y "gara" un premio di e piñata mas grandi di Aruba. Tur preparacion ta cla y e piñata ta bay ta yen yen cu hopi regalo. E gran fiesta di Coca Cola ta tuma luga rond di e "main stage" na Renaissance Marketplace for di 6'or pa 9'or di anochi. E ganado di e auto bunita, cu ademas di ta "eco friendly" ta gasta tiki gasolin, lo wordo saca entre 7'or y 9'or di anochi y despues e piñata lo wordo kibra. Lo tin un Coca Cola kids corner tambe pa entretene tur mucha. Coca Cola Green Dreams ta con Coca Cola ta bisa danki pa e recepcion cu e ta haya den cas y negoshinan rond di nos isla henter aña. E campaña espectacular cu a dura 14 siman a yega miles di hende cu e mensahe valioso y e importancia di reciclahe. Pa e periodo completo di e campaña Coca Cola a cambia su tapa di boter pa tapanan color berde y a pone diferente premio sorpresa patrocina pa mas di 10 otro negoshi local bao di un gran cantidad di e tapanan. |
Mustra/Kita e formulario di comentario
