| Durante fin di siman di Pasco a atende no menos di 266 pashent |
 |
 |
| Thursday, 27 December 2012 15:58 |
 Durante fin di siman di Pasco Departamento di Emergencia a atende desde 24 di december cuminsando pa 6or di atardi te cu 27 di december 8or di mainta no menos di 266 pashent.
Departamento di Emergencia tabata bastante ocupa, specialmente durante oranan di anochi, pero tabata prepara pa esaki cu extra personal. E edad di pashent ta varia entre un baby di 3 dia bieu te cu pashent di 93 aña y e ora di espera tin un promedio di mas o menos 2 ora. Di e 266 pashent cu a bishita Departamento di emergencia 52 tabatin 14 aña of mas jong. Si mester menciona cu Pasco anochi a sosode un accidente cual a haci e oranan di espera e momento ey mas largo. Dokter na warda of conoci manera Huisartsenpost a mira no menos di 165 pashent desde 24 te cu 26 di december di cual riba 26 a mira 89 pashent. Corda cu orarionan di bishita ta riba dia 1 di januari entre 11.30 di mainta te cu 8or di anochi. Departamento di ICU/MCU/CCU ta habri pa bishita entre 12or cu 1or y 7or pa 8or. Otro dianan por bishita durante orarionan di custumber cu ta 11.30 pa 1or y 6or pa 8or y si bo persona yega pafo di e orarionan aki acudi cerca un miembro di siguridad. Durante e fin di siman di fin di aña cu ta den porta departamento di Emergencia lo ta bay ta mas ocupa cu normal, aunke a subi e totalidad di trahado pa asina por yuda pashent mas lihe posibel. Ta pidi un y tur pa bay poco poco riba caminda pa asina evita peliger. Hunta di Directiva, staf y personal di Hospital kier a desea Aruba henter un feliz aña 2013 sin peliger, yena cu salud, dicha y amor.
|
Mustra/Kita e formulario di comentario
