| Hadicurari ta invita tur piscado pa celebra logronan di 2012 diabierna awor 7pm |
 |
 |
| Thursday, 27 December 2012 15:14 | |||||||||
 Diabierna awor 28 di december 2012 Directiva di Fundacion Centro di Pesca Hadicurari ta invita tur su miembronan di Hadicurari, Spaans Lagoen y Cura Cabay como tambe tur piscado di Aruba pa asisti na e tradicional Fiesta di Fin di Aña.
Na e ocasion aki lo repasa e logronan di e aña cu ta inclui e.o. terminacion di fase uno di inversionnan na un suma di casi mei miyon florin cu ta inclui Cura Cabay, Spaans Lagoen y Nos Clubhuis na Hadicurari. Diabierna awor 28 di december pa 7’or di atardi lo comparti un rato ameno entre piscado, celebra e exitonan y mira dilanti na e desavionan na 2013 cu ta na caminda. Directiva di Fundacion Centro di Pesca Hadicurari ta satisfecho di por yuda piscadonan di henter Aruba y tin planesnan pa tur e otro centronan di pesca. Hunto cu piscadonan, Departamento di Pesca di Santa Rosa y Minister encarga cu Piscamento, sr. Otmar Oduber, e fundacion ta sigui traha pa mas solaridad y union entre piscadonan, como tambe mas participacion cu piscado y otro instancianan relevante. INVERSION:Centronan di pesca bon organisa y maneha, ta un necesidad. Cu e inversionnan sistematico di Fundacion Centro di Pesca Hadicurari, poco poco ta birando un realidad unda lo ofrece facilidadnan pa trata pisca y cu su seguridad necesario rond Aruba. E maneho aki awor ta haya un empuhe enorme cu otro injeccion financiero substancial di e fundación Centro di Pesca Hadicurari cu conforme su statuut awor lo expande su servicionan pa e piscadornan pariba di brug na Cura Cabay, Spaans Lagoen y di henter Aruba. INVITACION: Diabierna awor 28 di december pa 7’or di atardi tur piscado y particularmente esnan di Hadicurari, Cura Cabay, Spaans Lagoen y tur piscado en general ta invita na Centro di Pesca Hadicurari na “Nos Clubhuis” situa na di dos piso di Hadicurari pa clausura e aña exitoso aki y yama bonbini na un prospero 2013.
|
Mustra/Kita e formulario di comentario
