| Prome Minister Eman: Curason di Aruba henter ta bati atrobe |
 |
 |
| Wednesday, 26 December 2012 20:31 | |||
|
Bou tononan di e cantica “Ban dal un trip den stad” canta trinta y pico aña pasa pa Minister Sevinger, a inicia cu e ceremonia. Por a nota cu Minister Sevinger tabata corda e letranan ainda. Den su discurso e tabatin palabranan di hopi elogio pa su colega y amigo Prome Minister Mike Eman, kende el a califica como e motor tras di un gobernacion fuerte. Prome Minister Eman na su turno a bisa cu ora e tende su colega Sevinger papia, e ta haya cu e ta hopi generoso pa parti e credito cu ne pa loke ta e proyecto aki. “Berdad ta cu hunto nos a comparti e vision. Nos a cana den caya grandi hunto tempo cu nos tabata miembro di Parlamento en busca di e cambionan cu nos tabata kier pa nos pais y pa nos pueblo. Hunto nos a desaroya hopi idea”. Eman ta bisa cu p'esey cu na momento cu nan a drenta gobernacion, nan tabata sa kico nan tabata kier. “Pero, berdad mester wordo bisa awe tambe. Esun cu mester a soporta lunanan largo di critica pa motibo di un vision y cu apesar di tur critica a sigui traha cu un determinacion, cu un esfuerso y cu un energia cu ta haci bo orguyoso como Arubiano cu un yiu di tera a keda semper dedica, no obstante tanto contratiempo ta mi colega Sevinger”. Eman a pidi e publico pa lanta para y dun’e un aplauso grandi cu un sentido di apoyo pa e determinacion cu Sevinger a demostra. Hopi a pensa cu e proyecto aki no tabata realisabel y awe tur hende por mir’e den funcion. “Danki, Benny, danki na bo ekipo y danki pa bo determinacion. Aruba ta orguyoso di e trabou grandi cu bo a haci, dedica pa hiba nos pais dilanti. P'esey, danki mi ruman”, tabata palabranan di Minister President Eman. Eman a gradici e publico presente y tur otro cu na momentonan dificil a tene nan den oracion. “Nos Tata Creador a scucha boso oracion. Ta p'esey cu awe cu orguyo y honor nos ta celebrando e revivencia di no solamente caya principal, pero e revivencia di Aruba”. Eman a comenta cu ora cu sra. Audrey Croes di MAMBO a bisa cu curason di nos caya grandi ta bati atrobe, el a sinti e mensahe den e palabranan aki cu ta bisa cu e curason di e pais aki ta bati atrobe. Na final el a gradici tur cu ta envolvi den e proyecto aki. “Danki pa e sosten. Esaki ta unicamente e comienso. Otro aña nos ta hunto den barionan caminda tin renobacion, camindanan nobo, scolnan nobo, aspectonan social nobo, atencion pa nos grandinan y muchanan di scol, tur ta forma parti di e vision nobo di e gobierno aki”.
Comentarionan (16)Mustra/Kita comentarionan ...
Si Mike bo tin rason atrobe. curason di pueblo ta bai bolbe bati atrobe ora ku bo medidanan kuminsamento di anja wordo anuncia atrobe. stop di haci politica barata i bo konsenshi no ta molestiabo atrobe ku e debenan di biyones ku nos pueblo mester bai paga atrobe.
,
December 26, 2012
...
Mike den bo vision tin:
-mas casnan di pueblo pagable? -mihor servicio medico? -skolnan nobo? -cuponan di trabow pa combati desempleo? -un manera pa para e debe national? -control di un imigrashon? Mi ta ansioso pa sa kiko boso vision ta ensera. Y pa nos jega na ARUBA cu nos lo menshona TUR esnan (MINISTERNAN & co.) cu a praktika un mal maneho. NAME and SHAME. Si ta Booshi ta Booshi, si ta Nel ta Nel, si ta MEP ta MEP. PERO ora ta Mike(2x) ta Mike(2x), ora ta Benny Z. ta Benny Z., ora ta Otmar ta Otmar, ora ta Richard ta Richard ect. ect. ect. ect................................
,
December 26, 2012
...
Mi pregunta grandi ta ? " Kico esnan cu kier papia malo di progreso di nos isla Aruba kier logra?
Nos tin di bay bek na e era di couchi boulu? Tres anja di gobernacion di Gabinete Mike Eman a habri wowo di nos comunidad, cu loke e Gobernacin anterior tabata haci ta hinca nos den un ABISMO un caminda sin salida. Solo ta sali pa tur ser humano. Proyectonan implementa pa Gabinete Eman durante e ultimo 3 anjanan cu a pasa a trece masha hopi cupo di trabou. Na final kier puntra si esnan cu ta contra di tur cos bon si emberdad nan tin Aruba na pecho?
,
December 27, 2012
...
Mi wowo a yena cu awa ora cu mi a tende Mike papia. Mas ainda ora cu mi a nota cu el a corda riba e publico para patras di e tram. El a subi esaki y a dirigi su mes na e hendenan aki y tambe gradiciendo semper nos Creador. No ta pornada e homber aki ta un lider y ta wordo aprecia den Reino y region, y no manera un mucha mal cria cu Nel Oduber a demostra den pasado. Sapatia sin haci nada pa e pueblo. Ora MEP ta na poder, comerciantenan ta bay dilanti y ora AVP ta goberna pais Aruba ta bay dilanti.
,
December 27, 2012
...
E curason di aruba ta bati atrobe pero mane cu pais aki ta bayendo mi ta sigur cu e loke ta mantene e pais aki bibo y lanta ainda cual ta turismo lo bay wordo malamente traciona! Wak meneer tin hopi cos nan mas erg e.g. Atraco, l****nicia riba nos turismo y enbes di sinta busca manera pa drecha esey boso ta sinta pompa cu tram! Come on mensen lanta for di sonjo!
,
December 27, 2012
...
Juancito esun cu ta na soño ta abo. Loque e gobierno anterior a laga atras, e gobrieno nobo aki ta busca pa mehorá. E atraco nan y cos nan di d*********o ta herencia di es gobierno anterior unda tur a biba di es forma aki: ieder voor zich en God voor ons allen. Cuminsa di siña bo hendenan/juinan cu es cosnan aki ta intolerabel. Es opvoeding ey nan mester haya di cas. Tur mester sa e diferencia entre MIJN y DIJN. Es malhechornan aki ta bin di hendenan cu no ta siña for di cas cu nan mester respeta otro y propiedad di otro. Tira tur cos riba gobierno ta facil. Es cosnan aki ta responsabilidad di mayornan!! Y di tur Arubiano cu ta mira cos malo ta pasa y nan ta sera nan boca y mira otro banda. JUancito lanta y tuma bo responsabilidad!
,
December 27, 2012
...
Bo no tin berguenza Mike. Laga e cosnan aki pa mucha chikito. Cuminsa goberna na un manera serio y traha ariba e puntonan di tene duro Aruba. Ban wak con bo ta bai pone nos paga pe awor.
,
December 28, 2012
...
Asina mes bisami e pueblo di Aruba no a paga semper pa e malhechornan di e gobierno anterior? Mira ken nan a bira millonario di es gobierno anterior y tur esey cu placa di pueblo di Aruba!! Bo kier waak con ta pone pueblo paga??? Esnan cu ta traha no ta keha pasobra nan kier mira Aruba progesá pero ABO si kier para den 1e rij si bin benefishi di tur e proyect nan di es gobierno aki sin hasi algo. ASINA MES bo ta demostra cu ta asina mes boso ta cu a apoya es gobierno anterior pa nan HORTA for di pueblo y enriquecé nan mes/ familia y esnan cu ta lembe pa haya un garnachi! Ta asina mes cu boso no ta bal la pena. Zielig! Echt Zielig! TA abo ta esun cu mester tin verguenza si bo sa kiko esey ta anto!
,
December 29, 2012
Duna Comentario y/of Comparti riba Social Medi |
Mustra/Kita e formulario di comentario
