| Gobierno: Prome Minister a hiba musica, alegria y bon deseo pa nos grandinan |
 |
 |
| Wednesday, 26 December 2012 20:20 | |||||||||
|
Fiel na su tradicion Prome Minister di Aruba, Mike Eman a dedica di dos dia di Pasco pa comparti hunto cu e grandinan di su pueblo. E mandatario hunto cu su señora Doina como tambe un grupo di musico lidera pa Robert Maduro, a bishita varios cas di anciano den transcurso di ayera diamars. E prome tabata Centro di Cuido San Nicolas. Den estilo di un tipico Paranda di Aguinaldo, Prome Minister Eman a bishita cada un di e ocho casnan cu ta forma e centro aki y a cuminda cada un di su 48 habitantenan ademas di personal y famia presente. Adicionalmente a haci entrega di un regalito chikito pa expresa su bon deseonan pa e dianan di fiesta como tambe durante e aña nobo. Centro di Cuido San Nicolas a cumpli dia 9 di augustus ultimo, su prome aña di existencia. Asina sra. Roxan Thode, Asistent Zorg Manager di e facilidad a conta. Durante su bishita, Prome Minister a combersa ampliamente cu tur e habitantenan deseando nan un Bon Pasco y a cera conoci un tiki mas cu nan. Dos persona cu a hala su atencion ta Sra. Rogelia Leverock-Fraai kende hunto cu su casa ta biba na e Centro di Cuido y Sr. Felix Geerman kende a disfruta enormemente di e musica y a bay bek den tempo pa recorda ora cu su mes tabata toca y parandea. El a haci un peticion pa scucha e viool di un Dande, un peticion cu Robert Maduro y su grupo a complace cu tur gusto. Despues di su recorido den Centro di Cuido San Nicolas, Prome Minister Eman, musiconan y esnan cu a compañ’e hiba alegria pa nos grandinan, a bishita tambe Huize Maristella y Paviljoen. Premier Eman a laga atras poco pan dushi pa tur hende saboria den resto di dia. E bishita di Prome Minister Mike Eman na e casnan di anciano den dianan di fiesta no ta solamente uno tradicional, pero un ehempel di comunitarismo cu e kier mustra na henter pueblo di Aruba. No necesariamente bo mester tin un famia den un centro di cuido pa bishita nos grandinan y comparti cu nan un rato, un combersacion chikito, un momento agradabel. No necesariamente bo mester conoce bo bisiña pa bo sali y bay dese’e un Bon Pasco, cera lazo di amistad y ta mas cerca di otro. Tur esaki ta forma parti di e vision di un Aruba nobo, un Aruba mas uni y solidario cu otro. Tampoco mester ta den dianan di Pasco of Aña Nobo, pero por ta na cualkier momento di aña.
Comentarionan (11)Mustra/Kita comentarionan ...
E homber aki kier copia di df. Betico Croes, cu tabata pasa dande pa tur e bieuwnan, pero e diferencia ta cu df. Betico tabata un musico, y Mike no. Mike no ta sirbi ni pa bisti vitter di zapato di df. Betico.
,
December 26, 2012
...
Tin hende no ta compronde cu cada accion, con chikito e ta, tin su efecto. E grandinan den e casnan aki, ta aprecia e tipo di atencionnan aki. Nan famia no por tey 24 ora pa dia serca nan. Nan ta aprecia un biS**ta di cualke hende, cu ta minister president of no. Mi mes a yega di puntra Mike kiko e kier logra cu e cos aki y e la contestami, "mi lo desea cu loke ami ta haci aki, sirbi como un ehempel pa otronan. Nos grandinan mester di atencion. E zusternan ta haci un trabou inmenso, e famianan ta biS**ta nan hendenan, pero di otro banda nan tambe tin nan famia. Si nos tur duna un tiki di nos tempo, un dia pa aña, of un ora pa aña mes, nos grandinan lo no sinti nan mes nunca mas nan so."
,
December 27, 2012
...
Pakico mester haci comparacion. MEP ta eu semper kier imita. Mira Evelyn cu a copia tur loke AVP tabata haci tempo den oposicion. Tuma e ehempel di e mesa. Mike no mester imita ningun personahe pasobra di curason e ta un bon hende. E comentarionan negativo ariba menciona ta demostra cu boso no conoce Mike di cerca.
,
December 27, 2012
...
Hopi bon atencion. Cu Betico a haci'e den pasado no kiermen cu e bunita gesto aki no por wordo reviva. Betico mes a bisa, si mi cay na caminda, coy e bandera y sigui e lucha. Awo, Mike Eman a sigui cu e gesto aki di tene nos grandinan na cuenta. Si no ta pa Mike Eman, ningun hende lo sikiera wak e bieunan aki riba un potret. Mi ta contento cu mi a wak un bisiña di hopi tempo atras den corant. Esey so caba pa mi a crea un deseo den mi pa pasa biS**te. Bon trabou.
,
December 27, 2012
...
Bunita accion y cu hopi compasion. Tur cos chikito tin su consecuencia. Nos no mester pensa riba cosnan grandi henter ora, ta e cosnan chikito aki ta loke ta haci e diferencia den nos bida y sigur den bida di e bieunan aki. Bon Pasco tur hende ainda.
,
December 27, 2012
...
Aplauso pa Sr. Eman. E ta algo cu el a haci for di tempo di oposicion y a sigui cune como gobernante. E tin'e den su sanger pa semper ta preocupa pa e grandinan di Aruba, manera semper e ta bisa, pasobra nan a traha pa e pais aki y nos mester ta agradecido cu nan. Sr. Eman mi ta admira masha hopi pa bo noblesa.
,
December 27, 2012
...
Tremendo accion. Mi a bay biS**ta mi mama despues cu Shon Mike a pasa y mi mama tabata hopi entusiasma. Tremendo. Si e entusiasmo ta pa e dia ey so, mi ta kere cu tabata tremendo caba. E ta algo di atmira. Pasobra, keremi e no mester haci esaki. Y e ta haci'e tur fin aña, dia di mama y tata. No laga nos lubida cu e prome minister anterior, no tabata haci nada di esaki y e no tabata kere den e "kleinigheden" di e tipo aki. Mike ta un otro tipo di hende. E ta un homber di pueblo. E ta un hende cu ta kere den compasion, bo ta wak e den su cara, pero mas ainda bo ta wak e den su accionnan.
,
December 27, 2012
...
Bon Pasco. Bunita accion. Mi no por bisa mas, simplemente un bunita gesto.
,
December 27, 2012
...
Cada tanto tempo ta surgi un lider. Betico tabata un gran lider cu Mike Eman semper a admira pa su noblesa. Ta algun persona rond di dje tabata forma problema. Manera Nel Oduber. Mike Eman ta traha pa pueblo y e stima su pueblo.
,
December 27, 2012
...
Mr Mike Eman ta lubida cu tin ancianonan den e cas priva tambe. Of e no guts di drenta den nan pasobra nan si NO ta hanja ningun clase di subsidio di gobierno. Robert foei, panort di unda bo ta biba mes tin un cas di hende grandi. bo ta pasa tur dia su dilanti, sea ta pa trabao of buena vida. Casandrita bo comentario ta perfecto na su lugar. E grandi di e casnan aki merece tipo di atencionnan asina. E anja cu bin ta eleccion...
,
December 27, 2012
Duna Comentario y/of Comparti riba Social Medi |
Mustra/Kita e formulario di comentario
