| Minister Sevinger: Pabien Aruba; Nos ta marca pauta un bes mas |
 |
 |
| Wednesday, 26 December 2012 20:03 | |||
|
Ora e streetcar a drenta caya por a tende e gritonan di entusiasmo resona den cada skina. Prome Minister Eman y Minister encarga cu Infrastructura Benny Sevinger tabata para dilanti den e streetcar pa saluda e publico grandi cu tabata spera nan yegada. Minister Sevinger “Awe ta un dia importante pa Aruba, cu a yega un punto cardinal den su desaroyo”. Sevinger a sigui bisa cu esaki ta e prome streetcar cu ta wordo presenta na e pueblo di Aruba. “Awe e t'ey para aki pa nos yam’e bon bini na Aruba”. Sevinger a bay bek den tempo y a corda con ora Gabinete Mike Eman a sinta nan a dialogo cu comerciantenan di caya grandi. Sra. Audrey di MAMBO a haci un extra esfuerso pa pidi tur hende pa ta presente na e reunion ey. Gobierno di su banda a invita ingenieronan local y di exterior pa tuma parti na e dialogo aki. E pregunta central tabata ‘con drecha producto Aruba’. Esaki no ta nifica drecha caya grandi so, pero San Nicolas, 21 bario, edificionan y hopi mas. A sigui mas reunion y e tempo ey e idea a bin dilanti cu si kier drecha y rebiba caya principal, no por simplemente cambia klinkernan, pasobra esaki so no ta bay atrae ningun hende. Minister a conta con a studia esaki di tur banda y a bin constata cu tin 4 problema den caya grandi. “No tin suficiente luga di para auto, e tiendanan nan final di caya grandi no ta haya turista, e problema di e monumentonan cu ta leu di otro y e ultimo ta cu mester duna confiansa den un inversion a largo plaso. E solucion di e 4 problemanan ta loke tin aki para awe”, asina Minister Sevinger a bisa. Parkeo no ta bay ta un problema mas, e turista por yega cu e streetcar te final di caya grandi, e streetcar ta para na tur e monumentonan y e inversionnan a wordo haci pa largo plaso. “Ningun comerciante na final di caya grandi ta inverti si e no tin e confiansa cu e infrastructura haci awe tin un duracion largo. Inversionnan ta tumando luga den henter caya principal y tambe na su final. Minister a splica cu e turista cu ta bishita Aruba ta bay haya algo nobo. FCCA cu ta atende cu barconan crucero a bisa cu e unico pais den Caribe cu ta drechando su infrastructura y ta treciendo algo extra ta Aruba. “Pabien Aruba. Nos ta marca pauta un bes mas den e region aki”. Minister Sevinger a gradici tur envolvi, Infrateam cu a haci un trabou sublime, su colega Ministernan cu semper a duna prioridad na proyectonan di Infrastructura y Parlamento cu mester aproba e placa y a duna su sosten. “Tur gobierno tin un motor tras di e ministernan. Nos no por logra nada sin e cabes di e gobernacion aki, sin e motor cu ta pusha. Nos por ta orguyoso di tin un Minister President cu no ta drumi y no ta laga otro drumi tampoco. Dia y anochi e ta yama, ta puntra si e clabo t'ey, si e matanan a yega, si e barco a sali caba y si no ta asina ken por yama pa sak’e…ningun detaye ta pase voorbij. Un Minister President cu tur dia ta yama pa check si tur cos ta cana bon, ta e Minister President cu e pueblo aki merece”. Bou masha hopi aplauso Prome Minister Mike Eman a gradici su colega Minister pa e bunita palabranan aki.
Comentarionan (7)Mustra/Kita comentarionan ...
Un tremendo iniciativa. No por bisa mas cu ta e tipo di cosnan aki ta resultado di VISION!!!
,
December 27, 2012
...
MEP ta rabia! Rabia cu no por mas. Pero pueblo no por yuda cu nan kier a mira vision na 2009. Awe apenas 3 aña y mei despues, un trabou grandi ta yegando na unda e ta. Mi no tin palabra pa e cos aki. Tremendo ta e unico cu ta bin na mente.
,
December 27, 2012
...
Benny ta un trahado. E ta traha duro y a demostra cu maske cuanto nan pueba caba cu bo, kibrabo of insultabo, bo trabou tin di sigui. Pasobra bo no ta traha pa bo mes, si no pa ARUBA.
,
December 27, 2012
...
Sr. Sevinger, mientras nos gobierno ta "marcando pauta riba tur tereno, anto c'un team di solamente '7' ministro", ata nos kerido mep nan mes, keto bay "ta matando tur nan 'patonan' politico", anto na boshi! Di con? Wel despues di '8' anja di mal gobernacion, ata awor nan ta sigui keto bay consistentemente Hustificando tur esaki! Ta ken por?
,
December 27, 2012
Duna Comentario y/of Comparti riba Social Medi |
Mustra/Kita e formulario di comentario
Una vez mas danki na tur cu a hasi esaki posibel y tambe Pabien Aruba!