| Audrey Croes presidente di MAMBO: Curason di caya grandi a cuminsa bati .. danki na vision di Gobierno |
 |
 |
| Tuesday, 25 December 2012 21:07 | ||||||
|
Durante henter e discurso di dialuna, por a sinta cu e Presidente di MAMBO ta masha contento cu e streetcar a yega y ta bay cuminsa core, pero tambe cu e renobacion di caya grandi ta casi cla. Yen di emocion, no solamente pa e vision di un Gobierno cu e ta mira ta realisando, pero contento pa tur esnan cu ta haci haci negoshi den caya grandi y esnan manera e mes, cu a lanta den caya grandi. "Bon dia Aruba. Pabien Aruba. Loke tur hende a pensa cu ta imposibel, at'e nos dilanti," e Presidente a cuminsa su discurso, mustrando su alegria cu yegada di e streetcar, cual a core for di Schelpstraat te dilanti di Penha, cu un grupo di invitado abordo, entre otro Audrey Croes. Por bisa cu AUdrey Croes a lanta e ambiente y a hinca yen di emocion, cerca diferente comerciante cu a mira awor tin un cambio cu ta haci caya grandi mas atractivo pa haci compras y bishita. Audrey Croes a demostra di ta un persona y comerciante cu stima caya grandi, pasobra aki e negoshi di su famia a lanta y crece, y e mes a crece den e negoshi. Pesey el a expresa den su discurso cu e lo percura pa ningun hende susha e caya bunita cu a wordo logra. "Keremi si mi wak bo tira algo riba vloer mi ta siguibo," el a bisa pa enfatisa loke e tabata kiermen. El a sigui bisa cu "mi tabata tin e persverancia di kere den e proyecto aki..." El a critica fuertemente esnan cu ta duna informacion falso riba con largo e proyecto aki a dura. El a sigura cu esaki no tin nada di haber cu politica y cu mester papia berdad. "E proyecto a dura casi dos aña. No dos aña manera tin hende ta exagera, pone un tiki rabo aserca. Nos ta percura pa corta e rabo ey lague core bay manera rabo di lagadishi." E Presidente di MAMBO a papia cu Aruba a celebra un era nobo, cu ta hiba nos padilanti. "Nos no por keda atras . "Manera social media ta na moda, Aruba tambe mester ta moderno." Pero tambe den su discurso e tabata tin masha palabra di elogio pa e modernismo cu ta introduciendo na Aruba. Y a duna e ehempel cu introduccion di streetcar, tambe a pensa riba esnan cu ta den rolstoel. Un señora di Funari tambe a yega den caya abordo di e streetcar y via di un mecanismo su stoel a wordo baha. Pues a pensa riba tur hende, y esnan cu normalmente no por a uza riba e tram. El a haci un apelacion na empleadonan cu ta traha den centro, pa parkea un poco mas pafo y haci uzo di e streetcar pa yega nan trabou, permitiendo esnan cu ta haci compras den caya grandi haya luga di parkeo mas cerca. "Di e manera aki pa nos por bisa cu nos ta gana e aña cu ta bin aki den tur cos. "Mainstreet ta bay vibra, cahanan ta bay ring y nos ta haal in tur loke cu nos a perde. Aruba no mester tin miedo di inovacion. Biba nos gobernacion, biba nos Minister Presidente, Minister Benny Sevinger, henter e gobernacion cu a sostene e proyecto aki. Esaki pami no ta un issue politico, e ta un issue di un vision pa futuro. Nos no por bay patras shonnan, e ta manera un curpa sin curason. Y caya a haya su curason bek." Cu grito di latido di un curason, dun, dun, Audrey a contagia tur esnan presente pa uni nan mes na e grito aki cu ta demostra cu caya su curason a cuminsa bati atrobe. El a finalisa gradiciendo pueblo y principalmente comerciantenan pa nan pasenshi."Danki na nos Ministernan cu tabatin e vision aki y mi ta sigur cu tin hopi cos grandi na caminda."
Comentarionan (12)Mustra/Kita comentarionan ...
Ta Audry so ta papia asina ,unda e gasto nan di e otro commerciante nan a keda mi no ta tende nada di nan ta solamente un par di hende ta haci manera cu ta tur ta contento...Biba AVP
,
December 26, 2012
...
E caya a hanja su curason bek y boso a ranca e curason foi hopi hende pa logra esei...
,
December 26, 2012
...
E projecto di Sr. Henriquez ta mucho mas bunita y lo tabata cla mas tempran y sin un gosto alto tanto pa ehecuta y pa manteni, e tram ningun momento tabata un prioridad, pero mas bien un bunitesa cu a lo largo no ta luci.
,
December 26, 2012
...
Esta un payaso e muhe aki ta! Masha la reina e ta sinti su mes awo.. Stranjo ta cu e tabata mepista te den alma y awo ta alles voor alles pa avp mi ta wonder cuanto cen mester a bay den sako ey! Paso ami no ta wak niun comentario di otro negoshi nan..
,
December 26, 2012
...
ban spera e tram. of troly. of streercar of auto di caya. of randstad ( mane nan ta jama nan na den haag).. of kon ku nan kier jame.. traha i nk bai out of service lihe. i ku tin hende pa dreche di acaso algo pasa.. pedrito pishibamba a pp.!!!!
,
December 26, 2012
...
te@ boso tabata ke hasi nos caja grandi luga di junga BINGO i e sede di Gobierna casino. Otro anja boso bingo lo junga atrobe.Kere mi i kere Dios, boso di berdad ta enemigo di Dios i di ARUBA.
,
December 26, 2012
...
Tanto negativismo, y di con? Pasobra una vez mas e gobierno aki a demonstrá cu por realisá algo postivo pa Aruba sin laga e placa stroom den saco di Mepista y consorten? Boso no por ta contento pa pueblo di Aruba? Si e nogociantenan no ta contento nan por acudi cu nan claimnan na Gobierno y pidi ayuda. Bo no por bin claim millones si bo tin un negoshi unda jamas bo a investeer den dje, y bo a lage desbaratá y despues kier saca e placa di gobierno. Gobierno ta abo y ami y tur esnan cu ta paga belasting. Si bo ta negociante bo ta acudi cu es problema nan na tempo y no warda te ora cu ta presenta un momento pa ranca placa sin motivo. Corda cu, como comerciante, bo ta obligá di investeer den bo negoshi y no come di dje so. Pabien Aruba cu e tranvia. Danki Mike Eman y su team pa realisá esaki y danki 24-ora pa tur es portretnan.
,
December 27, 2012
...
Y awo esaki ta bin cu nomber "tranvia" ! Wak senora bo mes ta bisa cu anos ta gobierno paso anos ta paga belasting! Ami como un pagado di belasting mi no a pidi pa e "tranvia, streetcar or what ever the hell e cos ey ta yama" .. Ami lo a para atras 100% si e gobierno aki a usa e plaka ey di belasting cu nos tur ta mata curpa pe na cos nan cu prioridad mas halto! Si nan a busca manera pa investeer pa hasi bida mas comfortabel pa cada un persona na Aruba of hinkele den estudio of yuda hende nan cu menos recurso ok.. Pero akinan loke nan ta hasi ta yuda e rico nan bira mas rico door di chupa plaka for di pober nan cu mester kibra lomba pa asina paga un monton di plaka nan utilities y belasting..
,
December 27, 2012
...
Juancito: Picá cu bo vocabulario ta asina beperkt cu bo no conoce e palabra tranvia. E proyecto aki ta pa henter Aruba. Kiko lo ta mihor cu ABO y e resto di bo grupo di negativisten haya es placa? Bo ta buscando un free ride? E placa di belasting ta geinvesteerd den pueblo cu es proyecto aki y esey ta bon hasi. Picá cu bo mente ta asina bruhá cu negativismo y palabra cu bo ta ripiti di otro e ideanan cu bo mes no por a pensa. Abo si, lo ta para cu man hisá pa ricibi benefishi di tur es proyecto nan cu es gobierno aki a realisá. Ningun na Aruba kier sigui jena saco di oportunistanan di bijvoorbeeld Santa Cruz. Pero abo si, y di con??? ASINA CONTRA ARUBA BO TA???
,
December 29, 2012
Duna Comentario y/of Comparti riba Social Medi |
Mustra/Kita e formulario di comentario
