| Premier Eman: Aruba ta logrando, danki na dirigentenan manera Audrey Lacle |
 |
 |
| Tuesday, 25 December 2012 20:36 | ||||||||||||||||||
|
E streetcar ta simbolo di e revitalizacion y cambionan cu Gobierno di Gabinete Mike Eman kier pa Aruba y su pueblo. E prome mandatario rondona pa un publico grandi cu a bin mira e streetcar a papia di e criticanan cu algun hende mester a soporta. "Esun cu mester a soporta lunanan di criticanan pa motibo di un vision cu algun no por a mira y cu a sigui traha cu un determinacion, esfuerso y energia cu ta hacibo orguyoso cu un yiu di tera ta asina dedica apesar di tanto contra-tempo, pesey mi kier pa boso tur lanta para y duna mi colega Sevinger un gran aplauso," Premier Eman a duna di conoce. Agregando cu sigur Aruba ta orguyoso di e trabou grandi cu Sevinger a haci. E prome mandatario despues a bay para riba e streetcar, caminda el a dirigi su mes na e publico grandi cu tabata para patras di e streetcar y cu no tabata mire inicialmente for di unda e podium di discurso ta para. Un gesto cu a wordo masha aprecial pa e bishitantenan di centro cu a ricibie e momento ey cu aplauso. Semper cu Todopoderoso den su mente y den su discursonan, e Mandatario a señala cu ta cu e ayudo di nos Creador a logra yega asina leu cu ta celebrando e revivencia di centro di Oranjestad y revivencia di Aruba completo. "Danki na nos Creador cu na e momentonan dificil ta marca e caminda pa nos, cu ta duna nos e conocemento pa por cana padilanti. Nos gratitud ta na e tera aki pero nos gratitud tambe ta unda nos inspiracion, nos guia y nos fe ta guia nos. ... Pais Aruba ta gradicido na e bendicion cu nos Creador a pone riba nos suelonan." Aruba, Premier Eman a bisa, a haya gran apoyo di companianan di Merca y Hulanda, cu un luz di cooperacion cu a wordo cendi pa logra e renobacion di centro. Tur loke Aruba ta logrando, el a bisa, "ta pasobra nos dirigentenan manera sra. Audrey Lacle ... un persona cu un determinacion, un persona cu ta demostra di ta cana e caminda apesar di e obstaculonan, manera nos a conoce." Ora Audrey a bisa cu e curason di caya grandi ta bati atrobe, nos a sinti un mensahe cu e curason di pais Aruba ta bati atrobe. Pesey danki mi amigonan, ban sigui cu e gran trabou aki, danki na tur esnan cu a duna nan apoyo. Esaki ta solamente e comienso. Otro aña nos lo ta cu boso den barionan, caminda tin scolnan nobo, infrastructura nobo, aspectonan social nobo, atencion pa nos muchanan di scol. Tur ta forma parti di e vision nobo pa pais Aruba."
Comentarionan (11)Mustra/Kita comentarionan ...
Logico cu kier papia bon di Audrey cu kier a cuminsa cu un bon idea cu AVP a boycot poniendo Cadena. Awor pa no perde cara AVP kier a bin cu algo differente. AVP a tume over pero a hacie bira un monster cu no tin fin di termina na tempo cu tur cosecuencia cu tin awor. Gabando Audrey e por bin cu menos critica y hanje na nan banda pasobra ainda e caya ta leuw di caba.
,
December 26, 2012
...
Ma bon esaki ta e senjora cu a bisa "de ene zijn dood is de ander zijn brood"? i e comercientenan cu a pasa malo pa 2 anja no a kore cu ne ainda?
,
December 26, 2012
...
@arubapanostur, ta esey lo ta filosofia di comercio en general... P'esey si un pais ta bou mando di comercio, ta den problem mes nos ta... Nos mester lucha pa liberashon di nos gobierno for di comercio, separa estado for di comercio, pa logra yega na democracia di berdad... Tanten cu ta permiti sponsermento di campaña politico, comerciantenan grandi ta keda pone preshon riba politiconan y gobernantenan...
,
December 27, 2012
...
Laga nos spera cu e edificionan aki cu ta situa den caya principal, y e negoshinan cu wordo habrí den e centro aki, keda of bira di nos Arubianonan. Lo ta envano e esfuerzo cu ta haci pa drecha e centro di nos Aruba pa hacie bunita, pa stranheronan bin chika placa di turismo di Aruba pa manda pa nan país, anto nos di Aruba mes bai suela. No ta suficiente pa nos por mira cosnan bunita cu ta propiedad di otro, pero ta essencial pa nos Arubianonan tin probecho total di frutanan cu nos tera ta produci. E proyecto ta hopi bunita, pero mester zorg pa su beneficio financiero yega na nos Arubianonan...
,
December 27, 2012
...
Aruba no por tin algo positivo of e samuro nan ya ta para pa pica y warda si cay lijken pa nan come? Negativismo ta unico cos cu nan por plama over di pueblo?
Bisa pueblo di Aruba pabien pasobra esaki ta bon pa nos tur. Esaki ta un mehoransa pa pueblo y turismo. Er is geen koe zo bont of er zit nog een vlekje aan? ESAKI A WORDO REALISA PA ARUBA Y SU PUEBLO! Y esey kiermeen abo tambe. Goza di dje y no sinta piki fout. Pabien Aruba, Pabien Mike Eman y esnan cu a juda realisá esaki.
,
December 27, 2012
...
Esaki ta e gang di payaso na mando! Plaka di pueblo pa estupides. Esaki ta djis e verlengstuk di racetrack unda kier a strika minjones riba custia di pueblo. Atrobe nos por wak e actornan involved! Mas tristo, esnan den necesidad ta aplaudi un projecto fracasa cu nan nunka lo benefisia di dje!
,
December 27, 2012
...
@HelenDonati, lastima pero berdad ta, cu nos no por verwacht otro resultado for di politica. Pero mientras nos ta critico den analysa situashonnan y duna critica constructivo, nos por aporta na guia nos isla den e direcshon positivo. No ta nada malo pa nos critica nos hendenan. Importante ta pa nos sa kendenan nos por confia pa maneha, drecha of mehora e situashon aki na Aruba. Cu nos tin un bon prome minister, no tin duda.
,
December 27, 2012
...
Tende un cos. E gang di payaso a wordo cori pasobra a duna miyones di placa di pueblo den contrato na famia. E payasonan ta esnan cu a goberna Aruba pa ocho aña y no a laga ningun herencia atras cu no ta un caha bashi. E payasonan a laga scolnan den mal estado, camindanan den mal estado, un pais empobreci y pa colmo den mal estado. Awo den tres aña, nos tin un caya grandi renoba y moderno, cu si bo no ta mira, bo tin un problema serio. Mira e barionan cu ta wordo renoba, barionan ta wordo ilumina, kindertoeslag, aumento di onderstand, pensioen obligatorio. TUR TUR ta beneficio PA PUEBLO. Asina t, keda keto te ora bo haya berdaderamente algo pa critica. He dicho
,
December 27, 2012
...
Mi a sinti kippevel, para den un publico grandi, cu tabata spera di mira e tram yega. Mi a tende hopi critica contra e tram, pero mi ta compronde awor e importancia di e tram aki. Mi por imaginacu pa e empleadonan tambe cu parkeer nan auto mas afo, e lo ta alivio pa por subi esaki y yega caya. Pa esnan cu ta haci compras tambe. No mester preocupa pa busca un luga cerca. Hasta si un persona ta cansa, e por sibi e tram y baha na final di caya haci compras, subie bek y bolbe na inicio. Hopi bon pensa door di gobernantenan.
,
December 27, 2012
...
Observer, Critica ta bon y sigur si tin opbouwende kritiek. Pero den tur es critica nan aki mi no ta mira nada postivo. Parce cu esnan cu ta piki splinter den wowo di otro ta lubidá es balkinan den nan mes un wowo. Esnan cu es comentarionan aki ta bin cu kritiek just pa duna kritiek sin motivo. E situacion na Aruba ta mejorá si TUR hende corda cu nan tambe mester participá y saca man pa yuda. Corda cu de beste stuurlui staan altijd aan wal!! Sinta para di leeuw duna criticá ta masha easy y NO ta drecha ningun situacion what so ever.
,
December 29, 2012
Duna Comentario y/of Comparti riba Social Medi |
op naar de volgende ! 
Mustra/Kita e formulario di comentario
