| Benny Sevinger: Inauguracion streetcar ta un punto cardinal den desaroyo di Aruba |
 |
 |
| Tuesday, 25 December 2012 20:32 | |||||||||||||||
|
E yegada di e streetcar ta un dia masha importante pa Aruba, e mandatario a bisa y a splica di con. "Awe ta un dia importante pa Aruba. Awe nos ta yega un punto cardinal den nos desaroyo .... nos ta presenta nos prome streetcar." E mandatario emociona ainda pa e prome cori di e streetcar den caya, a splica historia di e plannan pa renoba pero tambe revitalisa centro di Oranjestad. Pensamentonan cu a cuminsa for di tempo e partido na cual e ta pertenece, AVP, tabata den oposicion y a cuminsa mesora cu a drenta gobernacion. E Gobierno di Gabinete Mike Eman, el a splica, a percura pa scucha tur esnan envolvi den centro pero tambe pa resto di e pais. "Si bo kier drecha mainstreet, si bo kier pa e biba bek, bo no por simplemente cambia klinkernan, e hendenan no ta bin solamente si bo ta cambia e klinkernan. " El a sigui splica cu den e analisis haci, a constata cu tabata tin cuater problema: Parkeo; turistanan no ta yega final di caya grandi; monumentonan ta plama y hendenan no ta yega ey y ta mira cu mester di un inversion a largo plaso. "Pa tur e cuaternan aki, e solucion ta loke nos tin aki para: e streetcar," Sevinger a bisa esnan presente. Trahado y bishitantenan por laga nan auto den parkeergarage y den dos minuut ta den caya, e turista ta subi na waf y por yega te na final di caya grandi unda tin varios inversion comercial ta wordo haci caba. " E mandatario a sigura cu e inversion cu a wordo haci ta uno sigur di trinta aña. Na mesun momento Minister Sevinger a duna e bon noticia di FCCA, e organisacion di companianan di barco crucero. E organisacion tabata recientemente di bishita na Aruba y a informa cu e unico pais den Caribe cu ta cambiando su infrastructura, ta trahando pa duna algo extra na e bishitante, ta Aruba. "Pabien pasobra nos ta poniendo e pauta den e region aki," e mandatario a expresa bou aplauso di invitadonan y publico presente den caya grandi. Benny sevinger despues a presenta Prome Minister Eman, kende e ta considera e cerebro di tur e cambionan. "Den tur Gobierno tin un motor tras di e Ministernan. Nos no por logra nada sin e hefe di e gobernaciona aki. Nos por ta orguyoso di tin un Minister Presidente cu no ta drumi y no ta laga otro drumi tampoco ... dia y anochi ta yama puntra .... detayes. Minister Presidente cu ta yama tur dia y ta wak riba e detayenan pa tur cos sali bon ta un Minister President cu e pueblo aki merece y ta pesey nos tin cu nos Mike Eman."
Comentarionan (6)Mustra/Kita comentarionan ...
Caminda di Mabon pa Brazil pa Brazil yen di buraco, caminda di rotonde Pos Chikito pa Casa Cuna, no tin lugar di poone mas buraco, caminda di Santa Cruz dilanti e stoplights na bay zuid, banana banan di buraco. Caminda nan di San Nicolas un desaster, Savaneta, Pos Chikito, Rook Koochie, Cero Alejandro un desaster. E gobierno aki ta un gobierno di e Shon nan, tur cos pa e comerciante nan pa bau di brug. DE rest mag stikken. Cora djies kie boso lo purba drenta e bario nan ey. Boso ta corda con Mep a cay elleccion pasa pa lubida riba e pueblo. Boso lot ta mescos.
,
December 26, 2012
...
ai pika, duna Benny Z. un chens.
e pober no a logra mucho, duna e pober un chens pa e faja. FAJA PA BO HAJA.
,
December 26, 2012
...
Kadushi no lubida, cu tur e luganan ey cu bo a mencioná no ta cos di awor, tur ta herencia di bo partido MEP, awor cu e gobierno aki ta drechando nan y ta trahando camindanan nobo, bo lider EWC no ta yama e gobierno, gobierno di asfalt y klinker??? Por algo será. Kadushi bo ta biba na Aruba, of den mondi scondi?
,
December 27, 2012
...
MEP su hendenan ta tremendo. Nan ta critica nan mes. Claro cu despues di 3 aña y mei bo no por cambia mundo. Tur cos malo cu tin na Aruba a pasa bou di e 8 añanan di nada! No lubida esey. Den 3 aña ta haci awo mucho mas cu MEP a logra den 8 aña. Aruba ta miho para cu 3 aña pasa! biba Aruba. Ayoooo cu MEP!
,
December 27, 2012
...
E persona cu ta papia di e camindanan yen di burao ta lubida cu MEP no a pone placa pa infrastructura. Ta awor e camindanan ta wordo drecha pa dos aña caba tin varios caminda cu a wordo drecha, den bario y den distritonan. Y ta asfaltando camindanan nobo. Awor e pueblo ta wordo beneficio, mientras cu ora MEP goberna ta e comerciantenanta bay dilanti.
,
December 27, 2012
Duna Comentario y/of Comparti riba Social Medi |
Mustra/Kita e formulario di comentario
