|
Gobierno: Spiraal rotonde a percura pa un tremendo fluho den e trafico den oranan druk |
 |
 |
|
Friday, 21 December 2012 19:53 |
|
Otro proyecto di Gabinete Mike Eman a wordo inaugura diabierna mainta tempran. Seis luna pasa e spiraal rotonde a bay destaho publico despues cu su diseño a keda aprobra. A bay over pa su ehecucion y den un periodo di seis luna el a keda cla y inaugura, kedando den e presupuesto aproba pa esaki.
Prome Minister Mike Eman cu su colega di Infrastructura, Benny Sevinger na stuur, tabatin e honor pa ta den e prome auto cu a pasa oficialmente completamente rond riba e spiraal rotonde dilanti aeropuerto, sigui pa un grupo di Harley Davidson. Diabierna mainta tempran funcionarionan di DOW, aeropuerto, trahadonan di MNO Vervat, a compaña Prome Minister Mike Eman y Minister di Infrastructura den e ceremonia di inauguración di e rotonde cu ta bira e conexion entre Green Corridor y Ringweg 3, cu ta hiba e trafico direccion di e hotelnan. Na momento cu solo tabata saliendo y trafico pisa a cuminsa baha for di San Nicolas, e prome autonan a cuminsa haci uzo di e rotonde y por a constata cu sigur e tabata un alivio compara cu otro dianan. Niun momento tabatin filanan largo y automobilistanan tabata pasa na pitamento expresando e alivio cu nan ta sinti awor cu e trafico no ta pega. Tanto Premier Eman como Minister Sevinger a gradici tur e ingenieronan local cu a traha riba e proyecto aki. Principalmente ing. Marlon Croes, diseñador di e spiraal rotonde. Un diseño cu a haya masha admiracion cerca ingenieronan di Rijkswaterstaat. E proyecto di spiraal rotonde cu a costa 7 miyon florin, ta un conexion masha importante pa e trafico di pabou y pariba. E ta desvia e trafico cu mester bay hotel pa pasa via di ringweg 3, separando nan di e trafico cu ta bay pa centro na Playa. ELMAR a logra pone tur e LED luznan riba e rotonde, siguiendo asina e maneho berde cu Gabinete Mike Eman a cuminsa cune for di momento cu su gobernacion a cuminsa na 2009.
 |
Mustra/Kita e formulario di comentario
