Ing Marlon Croes ta director interino di DOW, kende hunto cu demas coleganan tabata presente na e apertura di e Spiraal Rotonde den oranan tempran di diabierna mainta. Ta net Marlon Croes ta un motor grandi tras di e proyecto aki cu a carga un aprobacion tambe di expertonan di Hulanda ora cu el a presente e proyecto aki dilanti.

E experto local aki a splica cu na momento cu a cuminsa traha riba e plannan pa Green Corridor, cu ta core for di aeropuerto direccion di San Nicolas, y ringweg 3 - cu ta bay for di aeropuerto bay direccion di Codemsa, pasa den Seroe Patrishi, Tanki Leendert, Ponton y caba na Sun Plaza -, a ripara cu e crusada no ta apto pa handle e fluho di trafico. Asina a sinta na mesa, kibrando cabes, buscando un forma pa kibra e fluho pisa di trafico aki. A bini cu cuater alternativa riba mesa. E prome tabata un crusada cu lus di trafico; un crusada cu fly-over; turbo rotonde y spiraal rotonde. E siguiente fase tabata pa haci un evaluación riba gasto, dimensión, tempo di construcción, riesgonan, seguridad den trafico, etc. Asina a saca afo hopi lihe cu luz di trafico nunca lo por hende e fluho di trafico, mientras cu fly-over a cay afo door di e gastonan astronómico cu e ta trece cune, y a keda e dos tipo di rotondenan cu a propone. Den e evaluación entre e dosnan aki, a pensa mesora cu e mester por acapara e crecemento di trafico cu tin den futuro. Asina a scoge pa spiraal, pero adaptando pa e cuadro cu e situación di Aruba. Esta cu tin tres lane for di tur banda cu bini, cu excepción di e trafico cu ta bini di Playa. E motibo ta cu e trafico aki den futuro lo ta menos intensivo, door cu mayoría di e autonan biniendo for di Green Corridor ta bay den ringweg 3. E bon di rotonde, e tin un capacidad grandi y por wanta e crecemento pa e próximo 10 pa 15 añanan. El a splica cu a construi lanenan grandi di 4 meter hancho pa acomoda e trafico mas miho, a pone lomba di cacho pa evita cu auto ta pasa di un banda pa otro. Si drenta e lane pa bay Playa, p.e., e mes ta sacabo hibabo Playa. Aunke riba e prome dia el a funciona bon, el a bisa cu e test mes ta bini na inicio di aña ora cu scol habri.

Comentarionan (1)

Mustra/Kita comentarionan

...

Wel, wel, ta cuanto trafico mester crece mas? Shonan, si trafico sigui crece manera e ultimo 10 anja, mihor cumpra helicopter. Ki dia cuminza saca y mas o menos 7 mil auto cu no ta sirbi mas pa core riba caminda?

N'e chambonan berde , December 23, 2012

• 
• +0
• 
• 

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi