| E pakete di BBO pa aña 2013 a sali |
 |
 |
| Friday, 21 December 2012 16:03 |
 Servicio di Impuesto ta informa tur cliente-comerciante, cu e paketenan di BBO pa aña 2013 a sali. Den e dianan venidero tur comerciante lo ricibi nan pakete via post. E clientenan cu no lo ricibi un pakete ta e comerciantenan cu nan empresa ta parti di un unidad fiscal pa cu BBO y no ta e ‘moedermaatschappij’.
E pakete di BBO ta contene 12 formulario di declaracion, pues uno pa cada luna. E guia aclaratorio ta contene informacion importante pa cu e declaracion di BBO y por consulta esaki via e website www.siad.aw of por busca na Servicio di Impuesto. Obligacion di haci declaracion y pago Tur cliente-comerciante tin e obligacion di yena y entrega e formulario di declaracion na Servicio di Impuesto y haci e pago conforme e declaracion. E obligacion aki ta conta tambe pa e comerciantenan cu ta cai bou dispensacion di BBO. E comerciantenan cu tin e asina yama ‘vrijgestelde omzet’ lo mester yena e suma di e ‘vrijgestelde omzet’ y entrega nan declaracion tur luna. Den caso di e clientenan cu no tawata tin benta durante luna mester entrega ‘nihil aangifte’. Si henter e aña e cliente no ta spera benta, e cliente por entrega tur 12 formulario di declaracion den un solo biaha. Den caso di ‘vrijgestelde omzet’ of ‘nihil aangifte’ e cliente no lo mester paga BBO. Empresa no activo of empresa nobo E clientenan cu nan empresa no ta activo mas, mester acudi na Servicio di Impuesto, na seccion Servicio pa cliente, pa notifica esaki mas pronto posibel. Den un caso asina mester trece un prueba di Camara di Comercio cu ta mustra cu e empresa a cera. E clientenan cu tin un empresa nobo tambe mester acudi na Servicio di Impuesto pa registra e empresa. Pa esaki tambe mester trece un prueba di Camara di Comercio. Datonan riba e declaracion Cada formulario di declaracion ta contene e datonan di cliente y e periodo di declaracion. Pa evita cu despues ta procesa e datonan robes, ta sumamente importante pa e cliente uza e formulario original cu ta coresponde cu e periodo di declaracion. Alabes ta haci un suplica na tur cliente pa no kita of cambia e datonan cu ta aparece riba e declaracion original. Si acaso tin cambio di adres, e ora e cliente mester yena e formulario ‘Opgaaf of wijziging adres & telefoon’. E formulario aki ta obtenibel na tur balie di Servicio di Impuesto of riba nos website www.siad.aw. COMUNICADO DI PRENSA Servicio di Impuesto ta recomenda pa controla si e pakete di BBO ta contene tur 12 formulario di declaracion y si cada un tin e imprenta corecto riba dje. Esaki ta hopi importante pa e declaracion y pago cu mester haci cuminsando na februari 2013. |
Mustra/Kita e formulario di comentario
