| Spiraal Rotonde a habri diabierna mainta y trafico a core perfectamente |
 |
 |
| Friday, 21 December 2012 11:18 | |||||||||||||||||||||||||||||||||||||||||||||||||||
 Diabierna mainta trempan algo pasa di 6or manera cu a wordo palabra tabata tin apertura oficial di e Spiraal Rotonde dilanti di aeropuerto. For di 12or di anochi e personal di DOW, MNO Vervat y tambe polis a cuminsa haci e preparacionnan necesario.
Aunke awacero poco pisa a stroba un poco, tog mainta algo pasa di 6or e hefenan di DOW den e caso aki ing Jossy Kock, Ing Marlon Croes y Ing Jossy Figaroa acompaña pa prome minister Mike Eman y minister Benny Sevinger a haci e apertura oficial. Prome minister a gradici masha e trabao incansable cu no propio ingenieronan a traha riba e proyecto. A reconoce te hasta e trabaonan y ideanan bon hinca den otro di ing Marlon Croes di DOW. Sinta den auto minister Benny Sevinger y Prome Minister a subi auto y haci e prome recorido pa haci e spiraal rotonde oficialmente habri. A drenta tambe un caravana di Harley Davidson tras di e auto cu e mandatarionan aden. Paola Goede di cuerpo policial a splica cu e trafico desde cu a habri e spiraal rotonde a core mihor di loke nan mes a spera den oranan di mainta. E costo di e proyecto aki ta casi 7 miyon florin. E spiraal rotonde tabata hopi necesario y pa largo plazo ya caba un turbo rotonde lo no a fit na e cruzada di aeropuerto.
Comentarionan (6)Mustra/Kita comentarionan ...
Awor, kiko bo kier pa nan haci Uncle Ed??? Traha un caminda specialmente pa hendenan cu ta bebe di mas??? Bo sa cu hende cu ta bebe (alchool)no mag di ta ariba ningun sorto di caminda??? Ni caminda di tera, ni caminda di piedra, any way, nan no mag ta tras di un stuur mes, corda pa nan core auto bow influencia, asina ta Uncle Ed, bo comentario no ta al caso, sorry pa bisa bo esey.
,
December 21, 2012
...
Uncle Ed bo tin rason dus kiko nos mester hasi ta hopi simpel. NO BEBE ORA BO TA STUUR OF NO STUUR ORA BO BEBE. Imaginabo cuanto cos mester tene cuenta cu ne pa por complace tur hende.
,
December 21, 2012
...
@Uncle Ed/ Personanan cu a bebe no mester ta tras di stuur.
Loke si ta berdad ta cu tin demasiado hende ta core ariba caminda cu a lubida (of no sa) hopi di e reglanan di trafico. Esakinan mes ta trece hopi peliger ariba caminda.
,
December 21, 2012
Duna Comentario y/of Comparti riba Social Medi |
Mustra/Kita e formulario di comentario
