|
Patrick Vrolijk a particpa na curso di entrenador na Havana, Cuba. |
 |
 |
|
Wednesday, 19 December 2012 18:00 |
|
Aruba Amateur Weightlifting Association a ricibi un invitación for di Federacion Pan-Americano de Levantamiento de Pesas pa participa na e secondo curso di “Categorizacion Avanza para Entrenadores” di e deporte di hisamento di peso. Esaki a tuma lugar na e ciudad di Havana, Cuba for di 4 pa 8 december 2012.
Pa Aruba a bai e entrenador Sr. Patrick Vrolijk. Presente na e curso aki tabata tin 12 pais di e Región Panamericano cu ta: Aruba, Brasil, Costa Rica, Curacao, Guatemala, El Salvador, Republica Dominicana, Panama, Nicaragua, Peru, Estados Unidos, Chile, Ecuador y Cuba. E curso mes a tuma lugar den Occidental Hotel na Havana y un parti di practica a wordo duna den e famoso “Centro de Alto Rendimento na Cerro Pelado”. E curso a wordo duna dor di e dos docentenan cu ta Lic. Marcelino del Frade Diaz y Lic. Alfredo Gonzales Pita. Tur e entrenadornan presente mester a haci un parti practico di e técnica pa cu e deporte di hisamento di peso. Nos mester menciona tambe cu nos Hermana isla Curacao tambe tabata presente y sigur por spera un desaroyo positivo den e deporte di Hisamento di Peso na Curacao. Programa di e curso tabata consisti di e siguiente lesnan, prome dia ta: historia di cuba y methodologia, classic lifts y different fase, Planeamento global y resultadonan di trayectoria. Secundo dia: Visita na Centro de Alto Rendimento Cerro Pelado, Usa methodonan den practica, Tecnica di snatch. Tercer dia: observa systema di punto pa hobenan, uso practico di plan grafico y methodologia, detailles di macro y meso Ciclo. Tambe tur e entrenadornan mester a hacie un test escrito pa cu e curso y na final tur e entrenadornan a ricibi un bonita certificado for di man di Lic. Marcelino del Frade Diaz. Aruba Amateur Weightlifting Association kier a gradici Sportsubsidie Commissie cu a haci e viaje posibel y Patrick Vrolijk cu a participa na e curso cu éxito.
 |
Mustra/Kita e formulario di comentario
