| Nico Toledo ta masha stima den bario |
 |
 |
| Wednesday, 19 December 2012 02:30 |
|
Asina cu e noticia a drenta cu a tira Nico Toledo den Village, mesora un cantidad di famia pero specialmente amigonan a yega na e sitio pa pone nan mes na altura di e susedido. E hoben Nicaurio Toledo, naci na Republica Dominicana dia 29 di september 1990 tin apenas 22 aña di edad, biba na St. Maartenstraat # 20, ta masha stima den e bario. Polis a confirma cu pa 12:44am, Dr. Daryanani y Dr. Croes a constata morto di e victima na Hospitaal, debi na e tiro ricibi den cabes. Nico Toledo a biba semper na San Nicolas y a bay Abraham de Veer School na San Nicolas. Despues el a sigui su estudio na EPI. Aunke edad hoben, Nico a drenta mercado laboral trempan y a cuminsa traha den un contratista den Refineria Valero. Despues di e cierre, el a keda sin trabou. E ta tata di un baby di apenas 7 luna. Nico Toledo ta conoci den bario tambe pa su participacion den deporte, specialmente basketball. Deporte a hibe basta leu, incluyendo su participacion durante Weganan di Reino. Nico tabata na su cas den St. Maartenstraat ora cu un homber bisti na preto y cu capuchon riba cabes a baha for di un auto color blanco cu glas getint y a tir'e den cabes. Den un situacion masha critico a transport'e pa Centro Medico y pa despues hib'e cu urgencia pa Hospitaal pa ricibi tratamento medico mas avansa. |
Mustra/Kita e formulario di comentario
